اسلام آباد۔ 17 فروری (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ 2020ء نا اولیکو انسداد پولیو مہم دوشنبے آن بناکرینے ہراٹی 39 ملین آن زیات چناتے پولیو آن بچفنگ نا پڑی کنفنگک، مہم اٹی 2لکھ 65ہزار پولیو ورکرز تینا خذمت آتے سرانجام ایترہ۔ دوشنبے نادے آ تینا بیان اٹی اوپارے کہ اینخو سال انا اولیکو قومی انسدا د پولیو مہم کن حکومت ملک آن پولیو نا چٹفنگ کن غٹ وسیلہ غاتے کاریم اٹ اتنگ ءِ۔ اوپارے کہ نن پولیو نا چٹفنگ کن ہروڑنا گام گیج کننگ اُن، پنچ سال اسکان نا غٹ چناتے پولیو آن بچفنگ نا پڑی کنفنگ ءِ پک کننگ کن خصوصی بست و بند کننگانے، داکان مست مروک آ پولیو مہم آتا کارکڑدگی نابنداو آ دا وار غٹ صوبائی و ضلعی ٹیم آتون گچین نتیجہ غاتے کن ڈٹ بندی کننگانے۔ اوپارے کہ مچ آ ملک اٹی پولیو وائرس نا تالانی نا سوب آن چناتا قوت مدافعت اٹی ودکی نا سخت گرج ءِ۔
