اسلام آباد۔ 16 فروری (اے پی پی) اقوام متحدہ ءِ سیکریٹری جنرل انتونیو گوتریس وزارت خارجہ سر بوتگ ات،دری کارانی وزیر مخدوم شاہ محمود قریشی ءَ شرپ داریں مہمان ءِ ھیرمقدم کتگ۔ سیکرٹری خارجہ سہیل محمود، اقوام متحدہ ءِ تہ پاکستان ءِ دائمی مندوب منیر اکرم ءُُ دری کارانی کارگس ءِ ٹوھیں واکداراے موہ ءَ ساڑی ات،لہتیں وھد ءِ پاس ءِ رند سیکریٹری جنرل اقوام متحدہ انتونیو گوتریس ءِ وزیر خارجہ مخدوم شاہ محمود قریشی ءِ گوما ھاسیں گند ءُُ نند بیت۔اے گند ءُُ نند تہ مقبوضہ جموں و کشمیر ءِ ھوار لہتیں دمگی ءُُ میاں اوستمانی معاملہانی سرا ھیال ریچی کنگ بوتگ۔ایشی ءِ پداسیکرٹری جنرل اقوام متحدہ، وزارت خارجہ ءِ تہ وزیرخارجہ مخدوم شاہ محمود قریشی ءِ ہمبراہی ءَ یکجاھیں پریس کانفرنس ءَ گوں تران کن انت۔ اقوام متحدہ ءِ سیکرٹری جنرل وتی تروتاب ءِ تہ مزن وزیر عمران خان ءِ ھوار پاکستان ءِ مزن تک ءِ سیاسی ءُُ عسکری راھشون ءَ گوں گند ءُُ نند کتگ۔ سیکریٹری جنرل عالمی افغان مہاجرین کانفرنس ءَ گوں گشتانک دنت۔
