کراچی۔ 16 فروری (اے پی پی) پاکستان تحریک انصاف ءِ سینئر راھشون ءُُ مزن وزیر ءِ ھاسیں کمکار برائے سیاسی امور نعیم الحق ءِ نماز جنازہ یک شمبے ءَ نماز عصرءِ پدا عائشہ مسیت خیابان اتحاد کراچی ءِ تہ ادا کنگ بوتگ۔ نماز جنازہ ءِ تہ ڈپٹی اسپیکر قومی اسمبلی قاسم خان سوری، تہی کارانی وزیر اعجاز شاہ، وفاقی وزیر علی زیدی، وفاقی وزیر بیرسٹر فروغ نسیم، گورنر سندھ عمران اسماعیل، گورنر پنجاب چوہدری غلام سرور، وزیراعلی پنجاب عثمان بزدار، میئر کراچی وسیم اختر، آئی جی سندھ ڈاکٹر سید کلیم امام، پی ٹی آئی ءِ راھشون خرم شیر زمان، حلیم عادل شیخ، ایم کیو ایم پاکستان ءِ خواجہ اظہار الحسن،پیسریگیں بنجاہی وزیر ڈاکٹر فاروق ستار، آرٹس کونسل کراچی ءِ صدر محمد احمد شاہ،نامداریں بزنس مین عقیل کریم ڈھیڈی، سراج قاسم تیلی، راجی ءُُ صوبائی اسمبلی ءِ باسکاں،گلے جہدکاراں،عزیز ءُُ اقارب ءُُ مہلوک ءِ مزنیں کچ ءَ بھرزوری کتگ۔یات بہ بیت کہ ھدامرزی کینسرءِ نادراہی ءِ آماچ ات ءُُ ھپتگ ءِ روچ ءَ کراچی ءِ نادراہ جاھ ءِ تہ بیران بوتگ ات۔
