اسلام آباد۔ 16 فروری (اے پی پی) اقوام متحدہ ءِ سیکرٹری جنرل انتونیو گوترس پاکستان ءِ اولی تروتاب ءِ سرا اسلام آباد ءَ سر بوتگ اتءُُ پاکستان ءِ نیمگا چہ اوگان باھوٹانی 40سالہ مہمانداری ءِ سرا دوروچیں میاں اوستمانی کانفرنس ءِ تہ بھرزوری کن انت۔یک شمبے ءَ پاکستان ءَ آھگ ءِ سرا بالی پٹ ءِ سرا اقوام متحدہ ءِ دائمی مندوب منیراکرم ءُُ دگراں آہاں را وش اتک کتگ۔پاکستان روان بوھگءَ چہ پیسرءَ آہان چاگردی ویب سائٹ ٹویٹر سرا میاں اوستمانی امن ءِ ھاترا پاکستان ءِ کرد ءِ ستا کتگ۔پاکستان سرجمیں دگنیا ءِ تہ اقوام متحدہ ءِ امن کوشستانی تہ دائمی ءُُ سوگو ءِ کرد ءِ حامل ملک انت۔آہاں گوشت کہ آں پاکستان ءِ سفرءَ کنگ انت اودا آں امن ءِ ہزمت سرانجام دیوکیں مہلوک ءِ را خراج تحسین پیش کن انت۔آہاں وتی چارروچیں تروتاب ءِ تہ صدرمملکت ڈاکٹر عارف علوی، وزیر اعظم عمران خان،دری کارانی وزیر شاہ محمود قریشی ءَ گوں گند ءُُ نند ھم کن انت۔ایشی ءِ ابید پارلیمان ءِ باسکاں،میڈیا ءُُ ورناہاں گوں گند ءُُ نند ھم کن انت۔آں تروتاب ءِ ساعتءَ سوگو ءِ دیمروئی،موسمی بدلی ءُُ امن ءُُ امان ء برجاہی ءِ موضوع ءِ سرا ھاسیں دلگوشی ھم کن انت۔آں گردوارہ کرتار پورصاحب ءُُ لاہور ءِ تروتاب ھم کن انت۔
