پاک ترک کسٹمز معاملہانی تہ کمک ھاترا منوگر ءِ کاگداں چہ چیزانی ءُُ کارگو ءِ بین الاقوامی آرگ برگ ءِ باروا معلومداریءُُ کاگدانی الیکٹرانک وڈ ءَ مٹ ءُُ سٹ بیت،ربالکار ایف بی آر

اسلام آباد۔ 16 فروری (اے پی پی) ترکی ءُُ فیڈرل بورڈ آف ریونیو(ایف بی آر)ءِ میان ءَ کسٹمز ءِ معاملہانی پراھی دیگ ءِ ھاترا مفاہمت ءِ کاگدانی سرا دستخط ءَ چہ پاکستان ءُُ ترکی چیزانی ءُُ کارگو میاں اوستمانی آرگ ءُُ برگ ءِ باروا معلومداری ءُُ کاگدانی الیکٹرانک طریقہ کارءَ گوں مٹ ءُُ سٹ کن انت۔ایف بی آر ءِ ربالکار ءَ یک شمبے ءَ ادا جاڑی بیان ءِ تہ گوشت کہ فریقانی تہ مفاہمت ءِ کاگدانی سرا دستخط ترکی ءِ صدر رجب طیب اردوان ءِ حالیگیں پاکستان ءِ تروتاب ءِ تہ کتگ ات۔ترکی ءِ نیمگا چہ بیئپارءِ وزیر ءُُ پاکستان ءِ نیمگا چہ مزن وزیر ءِ صلاحکار برائے ھزانگ ڈاکٹر حفیظ شیخ ءَ مفاہمت ءِ یادداشت سرا دستخط کتگ۔ربالکار ءِ گوشگ ءِ ردا مفاہمت ءِ یاداشت ءِ مسودہ ترکی ءِ نیمگا چہ موصول بوتگ،ایشی ءِ دراھیں سٹیک ہولڈرز ءِ پدا گڈی دروشم دیگ بوتگ۔اے منوگر ءِ یاداشت پاکستان ءُُ ترکی ءِ میان ءَ کسٹمز کمک سرا بیوکیں سال دوہزار دو ءِ نتیجگ انت۔ یادداشت ءِ ردا دوئیں نیمگا چہ چیزانی ءُُ کارگو ءِ میاں اوستمانی نقل ءُُ حرکت ءِ باروا معلوم دری ءُُ کاگدانی الیکٹرانک وڈ ءَ مٹ ءُُ سٹ کن انت۔دوئیں ملکانی کسٹمز ءِ باروا معاملہانی سرا کمک ءَ را پراھی دنت۔ امپورٹ،ایکسپورٹ ءُُ ٹرانزٹ آپریشنز ءِ باروا دراھیں معلومداری ءِ مٹ ءُُ سٹ کنگ بیت۔ربالکار ءَ گوشت کہ مفاہمت ءِ کاگدانی ردا سمگل بوتگیں چیزانی ھلاپ ءُُ کسٹمز سزاءِ سرا کمک کنگ بیت۔یادداشت ءِ ردا یک یکجاھیں تکنیکی کمیٹی ھم جوڈ دیگ بوتگ انت کہ مفاہمت ءِ یاداشت ءِ سرا سرجمیں وڈءَ وڈ ءُُ پیم کنگ بوت کن ایت۔ربالکارءَ گوشت کہ منوگرءِ یاداشت ءِ آسرءَ ڈیوٹیز ءُُ ٹیکسز ءِ دُزی ءِ ھلاسی بیت۔کارگو کلیئرنس ترند بیت ءُُ دوئیں ملکانی میانءَ وت مہ وتی بیئپارءِ ھوالہ ٹرانزٹ ٹریڈ ءَ را پراھی رسیت ءُُ پاکستان ءِ میاں اوستمانی بیئپاری پارٹنرز ءِ دلبڈی بیت۔