نعیم الحق یک درویش طبع انسان ات آہاں کدی ھم کجام اگدھ یا منصب ءِ لالچ نہ کتگ ءُُ بے لوث ءِ وڈ ءَ گل ءِ ہزمت کتگ،مخدوم شاہ محمود قریشی

اسلام آباد۔ 16 فروری (اے پی پی)دری کارانی وزیر شاہ محمود قریشی ءَ مزن وزیر عمران خان ءِ ھاسیں کمکار برائے نعیم الحق ءِ بیرانی سرا وتی دلپدردی کلوھ ءِ تہ گوشت کہ شریں سنگت آسانی ءَ گوں نہ ملگ انت ہمہ روچ چہ تحریک انصاف ءِ گوما ھوار بوتگ اوں ہمہ روچ ءَ چہ نعیم الحق ءَ گوں یک شریں سیادی ءُُ سنگتی ءِ رھوت انت۔آہاں گوشت کہ نعیم الحق ءَ ہروھد مہر ءُ محبت داتگ ءُُ کمکی کتگ کہ مزن وزیر عمران خان ءِ دیریگیں سنگت ات ءُُ آہاں گڈی ساھ ءِ تاں وتی زمہ واری پیلوکتگ ات۔آہاں گوشت کہ نعیم الحق یک درویش طبع انسان ات ءُُ آہاں کدی ھم کجام اگدھ ءِ لالچ مہ کتگ ءُُ بے لوٹ وڈءَ گل ءِ ہزمت کتگ۔ مخدوم شاہ محمود قریشی ءَ گوشت کہ پاکستان ءُُ سرجمیں دگنیا ءِ تہ پاکستان تحریک انصاف ءِ تنظیم ساچی ءِ تہ آہانی ھاسیں کرد ات۔روچی مزن وزیر عمران خان ءُُ تحریک انصاف یک پرخلوص ءُُ بے لوث سنگت ءَ چہ زبہر بوتگ ات۔ مخدوم شاہ محمود قریشی ءَ گوشت کہ مرگ برحق انت بلے نعیم الحق ءَ جواں مردی ءَ گوں گڈی دم ءِ تاں نادراہی ءِ مقابلہ کتگ۔آہاں دعا کتگ کہ ھداوند کریم آہاں را وتی رحمت ءِ ساھگ ءِ تہ جاگہ بدنت ءُُ آہانی کھول ءَ را اے صدمہ سگگ ءِ دلبڈی ءَ دات۔