مزن وزیر عمران خان ءِ سیف سٹی اتھارٹی گلوبل پورٹل ءِ برجاہی ءِ سرا بریفنگ ھاترا برجمیں دیوان ءَ گوں گشتانک

لاہور۔ 15 فروری (اے پی پی)مزن وزیر عمران خان ءَ گوشت کہ گلوبل پورٹل ءِ برجاہی ءَ چہ ڈن ملک ءَ نشتگیں پاکستانی ءَ را آسراتی رسیت ءُُ آہانی وتی ملک ءِ تہ زرکاری ءِ ھوالہ چہ اعتماد بحال بیت، سمندر پار پاکستانی ءَ را وھدیکہ محفوظ ءِ ماحول سر مہ بیت آں سرمایہ کاری کنگ ءِ تہ دقت محسوس کن انت، معیشت ءِ دیمروئی امن ءُُ ایمنی ءِ گہتر جاورھال ءُُ کانود ءِ عمل داری ءَ گوں بندوک انت، دولت ءِ پیداوار (وویلتھ کریئیشن)ءِ آسرءَ ہم ملکی معیشت دیمروئی کت کن ایت۔اے ھیالانی درشان آہاں سیف سٹی اتھارٹی،دائرہ کار،کارکردگی ءُُ پولیس ہزمت مرکز ءِ گلوبل پورٹل ءِ برجاہی سرا بریفگ ءِ ھاترا برجمی دیوان ءِ سروکی کنان ءَ کتگ ات۔مزن وزیر عمران خان ءِ سروکی ءَ سیف سٹی اتھارٹی،دائرہ کار،کارکردگی ءُُ پولیس ہزمت مرکز ءِ گلوبل پورٹل ءِ برجاہی ءِ سرا بریفنگ داتگ۔ایم ڈی سیف سٹی اتھارٹی ءَ بریفنگ ءِ تہ سرپد کتگ کہ سیف سٹی اتھارٹی ءِ گامانی آسرءَ لاہور دگنیا ءِ سد ءَ چہ گیش محفوظ ءِ شہراں ھوار بوتگ۔آہاں مزن وزیر ءَ را بریفنگ ءِ تہ سرپد کتگ کہ سیف سٹی اتھارٹی ءِ وژن پنجاب ءِ تہ محفوظ،پرامن ءُُ وشھال شہر انت،مئے اولی دلگوشی مہلوک ءَ را آسراتی پھجارگی انت ءُُ پولیس کلچر ءِ تہ بدلی آرگی انت۔سیف سٹی اتھارٹی ءِ گامانی آسرءَ لاہورءِ تہ میاں اوستمانی کرکٹ،کبڈی ورلڈ کپ ءُُ لٹریری فیسٹیولءِ برجمی بوتگ۔جہان گولانی کساس ءِ تہ ودکی سیف سٹی اتھارٹی ءِ سوبمندی ءِ درشان انت۔پولیس خدمت مرکز ءِ گلوبل پورٹل ءِ برجاہی ءِ ھوالہ چہ مزن وزیر ءَ را سرپد کنگ بوتگ کہ اے بنجل ءِ سبب ءَ مہلوک ءَ را 14آسراتی ءِ پھجارگ یک جاگہ رسنت۔ گلوبل پورٹل ءِ برجاہی ءِ آسرءَ ڈن ملک ءَ نشتگیں پاکستانیاں را سفارت جاھ ءُُ ڈنی وزارت ءِ وسیلگ ءَ ون کلک آپشن ءِ ابید کجام ءِ اڑاند ءِ لہتیں آسراتی ممکن بیت۔مزن وزیر عمران خان ءَ پولیس ہزمت مرکز ءِ گلوبل پورٹل ءِ برجاہی کنان ءَ گوشت کہ گلوبل پورٹل ءِ برجاہی ءَ چہ ڈن ملک ءَ نشتگیں پاکستانی ءَ را آسراتی سر بنت ءُُ آہانی وتی ملک ءِ تہ سرمایہ کاری ءِ ھوالہ چہ اعتمادبحال بیت۔مزن وزیر ءَ گلوبل پورٹل ءِ برجاہی ءِ دلبڈی کنان ءَ گوشت کہ گلوبل پورٹل ءِ برجاہی پولیس ءِ شریں کار انت۔آہاں گوشت کہ مئے دلگوشی انت کہ ملک ءِ تہ امن ءُُ ایمنی ءُُ کانودءِ حاکمی ہمک دروشم ءَ ممکن دارگ بہ بیت۔مزن وزیر عمران خان ءَ گوشت کہ اوورسیز پاکستانیز ءَ را وھدیکہ شریں چاگرد نہ رسیت آں سرمایہ کاری کنگ ءِ تہ دقت محسوس کن انت۔آہاں گوشت کہ معیشت ءِ دیمروئی امن ءُُ امان ءِ گہتر جاورھال ءُُ کانود ءِ برزدستی ءَ گوں بندوک انت، دولت ءِ پیداوار (وویلتھ کریئیشن) ءِ آسرءَ ملک ءِ معیشت دیمروئی کت کن ایت۔مئے اولی دلگوشی انت کہ کانود ءِ برزدستی ءِ وسیلگ ءَ مہلوک ءِ جان ءُُ مال ءَ را رککھگ بہ بیت۔اے ھوالہ چہ پولیس ءِ کرد باز ارزشت دار انت۔مزن وزیر عمران خان ءَ گوشت کہ ہمہ رپتار ءَ گوں مئے آباتی گیش بوھگاانت مارا کمی وسیلگ ءِ تہ کانود ءِ برزدستی ءُُ امن ءُُ ایمنی برجاہ ایر کنگ ءِ ھاترا وتی گہتریں دلگوشی جوڈ دیگ بنت۔آہاں گوشت کہ پاکستان ءِ تہ سیل ءُُ سوادی ءِ باز صلاحیت موجود انت۔پاکستان ءِ تہ سیل ءُُ سوادی ءِ پراھی ھم کانود ءِ برز دستی ءُُ امن ءُُ ایمنی ءِ جاورھال ءِ تہ گہتری ءِ گوں ہمگرنچ انت۔مزن وزیر ءَ کڈنی دات کہ ملک ءِ تہ محفوظ چاگرد ءِ پھجارگ ہر صورت ءَ سدکی دارگ بہ بیت۔ڈنگ ءُُ قوضہ مافیا ءِ ھلاپ چکاریں ایکشن زورگ بہ بیت۔مزن وزیر ءَ اے ھم پنت ءُُ شون داتگ ات کہ محکمہ پولیس ءِ تہ سزا ءُُ جزا ءِ سسٹم ایر کنگ ءِ سرا چکاریں دلگوشی دیگ بہ بیت،ایشی ءِ ابید پولیس ءِ تہ گہتری ممکن نیست انت۔مزن وزیر عمران خان ءَ گوشت کہ دوچیزمئے باندات ھاترا بازالم انت،مزن وزیر ءَ گوشت کہ زھگےءَ را ہر رنگءِ استحصال ءَ چہ رکھگ ءُُ ملاوٹ ءِ گرودار ءِ ھوالہ چہ من امیت کنگ کہ اے دوگاماں چست کنان ءَ ایکشن ءَ زورایت پرچا کہ ایشانی سرا مئے آوکیں پدریچانی باندات بندوک انت۔آہاں پنت ءُُ شون دات کہ زھگ ءَ را رکھگ ءُُ ملاوٹ ءِ ھلاپ ءَ ایکشن ءِ تہ ضلعی انتظامیہ ءِ کمک ءَ چہ گامگیج کنگ بنت۔