لاہور۔ 15 فروری (اے پی پی)مزن وزیر عمران خان ءَ گوشت کہ من ملک ءَ را ایشین ٹائیگر جوڈ کنگ ءِ نہ بلکہ ملک ءَ را مدینہ ءِ استان ءِ راھبدانی سرا دیما برگ ءِ قول ءُُ قرار کتگ ات ءُُ اے وعدہ سرجم کناں۔ ریاست مدینہ ءِ اولی اصول انسانیت ءِ فلاح ءُُ بہبود انت ءُُ چاگرد ءِ درستاں چہ کمزور تبک ءِ زمہ واری استان ءِ بوھگ انت۔ غریب ءِ مردم جیڈھءَ را چاران شوکت خانم جوڈ کنگ ءِ پیسلہ کتگ ہیلتھ انشورنس کارڈ ءِ سبب ءَ خیبرپختونخوا ءِ تہ مہلوک ءَ دومی رند ءَ حاکمی داتگ ءُُ دوبری اکثریت داتگ، پنجاب ءِ تہ 50 لکھ ھاندان ءَ را جان سلامتی انشورنس کارڈ ءِ برجاہی ءِ سرا ڈاکٹر یاسمین راشد ءَ را مراد بات پیش کنگ اوں۔اے ھیالانی درشان آہاں لاہورءِ تہ انصاد جان سلامتی کارڈ بھر ءُُ بانگ کنگ ءِ مراگش ءَ گوں تران کنان ءَ کتگ ات۔مزن وزیر ءَ گوشت کہ میو ہسپتال ءِ تہ یک غریب مردمءَ را درمان زورگ ءَ جنجالانی دیما چارگ ءِ پداپیسلہ کتگ کہ کرکٹ ءِ پدا وتی زند اے رنگیں مردمانی ہزمت ء ھاترا گوازین انت۔آہاں گوشت کہ خیبر پختونخوا ءِ تہ مہ ہیلتھ انشورنس سسٹم دیم آرتگ اودی مہلوک کجام گل ءَ را دومی رند ءَ گچین مہ کنگ انت بلے ہیلتھ کارڈ سسٹم ءِ سسب ءَ مارا دومی رند ا حاکمی رستگ ءُُ دو تہائی اکثریت داتگ،اودی مردماں را سمجھ ءَ اتکگ کہ فلاحی استان چے انت،برطانیہ ءِ مثال دیان ءَ آہاں گوشت کہ اودی مہلوک جان سلامتی،تعلیم ءُُ روزگار ءِ زمہ حکومت پیلو کنگ انت۔آہاں گوشت کہ لہتیں چینلزیک پندل ءِ ردا شپ ءُُ روچ پروپیگنڈہ ءَ گٹ انت،آہاں را سرپد کنگ لوٹاں کہ استاں اولی روچ ءَ ریاست مدینہ جوڈ مہ بوتگ ات،مسلمان ءَ گرانیں وھد گوازینتگ ات۔مزن وزیر ءَ گوشت کہ جان سلامتی کارڈ ریاست مدینہ ءِ نیمگا اولی گام انت۔آہاں گوشت کہ ہیلتھ کارڈ ءِ وسیلگ ءَ پاکستان ءِ کجام شہر ءِ تہ غریب مردم دارودرمان کنائینت کت ایشی ءِ ھاترا مہ مراعات داتگ ات ءُُ نوں جندی نادراہ جاہ ءَ را ھم مراعات دیگ بنت تنکہ گیشاں گیش نادراھ جاء جوڈ بنت۔ایشی ءَ چہ پیسرءَ گورنر پنجاب چوہدری محمد سرور،سر وزیر پنجاب سردار عثمان بزدار ءُُ صوبائی وزیر جان سلامتی ڈاکٹر یاسمین راشد ءَ ھم تران کتگ۔(NAJ)
