اسلام آباد ۔ 13 فروری (اے پی پی) مزن وزیر ءِ ھاسیں کمکار ڈاکٹر ظفر مرزار ءَ گوشت کہ پاکستان ءَ کرونا وائرس ءِ اچ کیس رپوٹ نہ بوتگ، وائرس ءَ چہ بچارینگ ءِ واستہ بے کساس گامگیج آناں دل یکیمی جوڑ کنگ ءَ آں ، السی سرپدی ءِ واستہ جوانیں گامگیج آنی سر ءَ کار کنگ بوھگ ءَ انت ۔ اے ھیالانی درشانی آئی ءَ نوول کرونا ءِ چار ءُُ تپاسی دیوان ءَ کت ۔ دیون ءَ استیں جاور ھال آنی سرءَ چار ءُُ بچار کنگ بوت ۔ اے موہ ءِ سر ءَ بنجاھی سیکرٹری جان سلامتی ڈاکٹر اللہ بخش ملک، ایگزیکٹو ڈائریکٹر این آئی ایچ میجر جنرل عامراکرام ءُُ پاک فوج ءِ نماھندگ ءُُ جان سلامتی شاھوکاریں مردم ھوار اتنت ۔ ڈاکٹر ظفر مرزا ءَ گوشت کہ چین ءَ کرونا وائرس ءَ آماچیں 4پاکستانی نودربر دراھ بوتگ انت، چاریں پاکستانی ہسپتال ءَ چہ ڈسچارج بوتگ انت ۔ آئی ءَ گوشت کہ پاکستان ءَ کرونا وائرس ءِ اچ کیس دیم ءَ سہرا نہ بوتگ ۔ کرونا وائرس ءِ آماچیں 98درسد مردم دراھ دراھ بنت، چینءَ آیوکیں مسافر آنی ڈیٹا ھم گرگ ءُُ چار ءُُ تپاس کنگ بوھگ ءَ انت ۔
