اسلام آباد ۔ 14فروری (اے پی پی) سیکرٹری واپار احمد نواز سکھیرا پارینے کہ پاکستان دنیا ٹی چارمیکو نمبر آ غٹ آن زیات پال، شش میکو نمبر آ امب و اِلار، ہشت میکو نمبر آ خولم، پنچ میکو نمبر آ گنڈیری و چارمیکو نمبر آ کاٹن ودی کروک آ ملک ءِ ۔ دا خیال آتا درشانیءِ او جمعہ نادے آ پاکستان ترکی بزنس فورم نا بناءِ کرسا کرے ۔ سیکرٹری واپار پارے کہ پاکستان اٹی زرکاری نا بے شمار وارخواہی ارے ۔ پاکستان نا آبادی 20 کروڑ آن زیات ءِ ہراٹی 60 درسد نا وئی 30 سال آن کم ءِ ۔ اوپارے کہ پاکستان دنیا ٹی چارمیکو نمبر آ غٹ آن زیات پال، شش میکو نمبر آ امب و اِلار ، ہشت میکو نمبر آ خولم، پنچ میکو نمبر آ گنڈیری و چارمیکو نمبر آ کاٹن ودی کیک ۔ اوپارے کہ پاکستان اٹی کاروبار کن دوستانہ چاگڑد ساڑی ءِ ۔
