اسلام آباد ۔ 14 فروری (اے پی پی) سی پیک اتھارٹی نا چیئرمین جنرل (ر) عاصم سلیم باجوہ پارینے کہ مچ آ ملک اٹی کشارگر آتے کن گچین کٹیا اتنگ و قومی فوڈ سیکورٹی کن سی پیک فریم ورک ءِ کاریم اٹ اتنگ اُن ۔ جمعہ نادے آ تینا ٹویٹ اٹی اوپارے کہ دا بابت نن مچ آ ملک انا کشاری چاہندارآتا چندی پڑک آتون اوڑدہی کرینن ۔ اوپارے کہ دا اوڑدہی تا مسخت کشاری پیدوار اٹی ودکی، کشاری و پیدواری لاءخی تے ودفنگ، کشارگر آتے کن گچین کٹیا اتنگ و قومی فوڈ سیکورٹی ٹی شریدار مننگ کن سی پیک فریم ورک ءِ کاریم اٹ اتوئی ءِ ۔
