اسلام آباد ۔ 13 فروری (اے پی پی) چاگڑدی بدلی نا وزیر مملکت زرتاج گل پارینے کہ ماحولیات نا وزارت چاگڑدی بدلی تتون مون تننگ کن گام گیج کننگ ءِ ۔ پنچ شنبے نادے آ قومی اسمبلی ٹی وقفہ سوج آتے ٹی نزہت پٹھان نا سوج آ موسمیاتی بدلی نا وزیر مملکت زرتاج گل پارے کہ ملک اٹی داسکان وزارت چاگڑدی بدلی نا وزارت جان جوڑی و ایلو وزارت آتا نیام اٹ کوارڈینیشن اف ۔ ہرا ڈیٹا بننگ ءِ اوفتا رداٹ چاگڑدی بدلی تیان کینسر نا حوال ملانے ولے ہراوخت اسکان ڈیٹا پورو مفک ہمووخت اسکان سہی حالیت مون آ بننگ کپک ۔ اوپارے کہ چوٹی بالا ڈی جی خان اٹی فیکٹری ٹی کیمیکل نا پیش تمنگ آن 200 آن زیات مرک مسوسس ۔ داکیس ءِ ٹیسٹ کیس اس جوڑ کرسا کاریم کننگ نا گرج ءِ ۔ ضمنی سوج آ اوپارے کہ ای پی اے دیر انا آب انا جاچ ءِ ہلیک ۔ نتیجہ غاتیان تعلقدار ادارہ ءِ معلومدار کننگک ۔ کچٹ انگا دیر آن چندی مرض آک ودی مننگ ءُ ۔ اوپارے کہ وزارت تعلقدار ادارہ غاتا کاریم نا کچ اٹی گچینی کن گام گیج کیک و دا بابت پارت ہم جاری کیک ۔
