لاہور ۔ 13 فروری (اے پی پی) پاکستان تحریک انصاف نا سینئربنجائی راہشون و مسکوہی بنجائی وزیر ہمایوں اختر خان پارینے کہ ان ہاءوس بدلی بننگ ءِ و نئے حکومت جاگہ اس ہِننگ ءِ ، اپوزیشن تینا است ءِ ریفنگ کن نیم مدتی گچین کاری تا نعرہ ءِ خلنگ ءِ ہراڑاپابندی خلنگ کپنہ، زرگزرانی نا گچینی کن یک و نیم سال اٹی اخس خرین ءُ گولی کیدوئی ئس اوفتے کیدان و داسہ زرگزران نا پہیہ تینا رفتار اٹ پیری تننگ کن پیش رفت برجاءِ ۔ داخیال آتا درشانی ءِ او ہندی ہوٹل اٹی اڈ ہلوک آ دود اٹی بشخ ہلنگ نا وخت آ صحافی تتون گپ و تران کرسا کرے ۔ اوپارے کہ مسلم لیگ (ن) اٹی داوخت آ نئے بیرہ پیدوار بشخ وپانٹ ءِ بلکن اودے سرکڑدہ نا تنکی نا ہم مون تروک ءِ ۔ بطور اپوزیشن مسلم لیگ (ن) و پیپلزپارٹی نا کڑد غٹ انا مون آٹے، پارلیمنٹ اٹی ملک انا گچینی کن سلاہ تننگ نا جاگہ غا بیرہ تینا کرپشن ءِ بچفنگ کن واتوڑ کننگک ۔ اوپارے کہ ہرا بندغ آک الس ءِ مشکل آتا مین اٹ دھکہ تننگ نا زموارءُ ہموفک اینو ارب آ روپئی نا سبسڈی پیکج آ ہم شوروواتوڑ کننگ ءُ ۔ اصل اٹ اپوزیشن ہبکہ ءِ و اودے سمجھ بفننگ ءِ کہ اودے ہراکنڈآہنوئی ءِ ۔ اوپارے کہ میثاق زرگزران نا نعرہ خلوک آک اہنو ہراڑے کن ءُ، شہباز شریف نا لندن ناکبین آ ہوٹل و لگژری اپارٹمنٹ آتے ٹی تولسا پاکستان نا الس نامشکل آتا ذکر ءِ کننگ خن تیان اصلیت ءِ ڈکھنگ آنبار ءِ ۔ اوپارے کہ وزیراعظم عمران خان ہندن ہندن مشکل و چیلنج آتون مون تننگ کن تینا عزم و ولولہ نا درشانی ءِ کیک ہموہمووڑ اپوزیشن نا سیاست نا نبض ڈوبینگ انگ نا بناءِ کیک ۔ ان ہاءوس بدلی بدلی بفننگ ءِ و حکومت تینا پنچ سالہ مد ءِ پورو کیک ۔ اپوزیشن سیاسی وڑاٹ پورو بے روزگار ءِ اگہ او تینا خلقت ءِ تین تون تخنگ و است ءِ ریفنگ کن وسط مدتی گچین کاری تا نعرہ ءِ ہم خلپ تو انتس کے ۔
