اسلام آباد ۔ 13 فروری (اے پی پی) وزیر مملکت پارلیمانی امور علی محمد خان پارینے کہ انفارمیشن کمیشن نا سالانہ رپورٹ تیار ءِ ، فروری نا آخیریکو ہفتہ ٹی پارلیمنٹ اٹی پیش کننگک ۔ پنچ شنبے نادے آ قومی اسمبلی ٹی وقفہ سوج آتے ٹی شگفتہ جمانی نا سوج انا ورندی ٹی علی محمد خان پارے کہ سوشل میڈیا و الیکٹرانک میڈیا غا خلقت ءِ بے شرف کننگ انگ ءِ ۔ خلقت نا عزت اتون گوازی کننگک دابابت انضباطی گام گیج کننگ انگ ءِ ۔ ضمنی سوج آ اوپارے کہ نومبر 2018ء ٹی جوڑ انفارمیشن کمیشن ایکٹ ہذا نا مقتضیات آتے پورو کننگ کن غٹ بنجائی محکمہ غاتے پارینن ۔ کمیشن ءِ شاری تیان 300 آن زیات اپیل ملا و 120 آن زیات کیس آتے ٹی سرکاری محکمہ غاک شاری تے درکار معلومدار فراوان کرینو ۔ ایلو سلوک آ کیس آک ایکٹ ہذا نا عملدرآمدگی ناجتا مرحلہ غاتے ٹی ءُ ۔ وزارت اطلاعات مارچ 2019ء آن عملہ ڈویژن نا ایم ایس ونگ نا کنڈآن حسبہ، سفارش کروعک آسامی تا منظوری نا کیس ءِ راہی کرینے ۔ فنانس ڈویژن نا کنڈآن ورندی نا داسہ انتظار ءِ ہندن درکار انفارمیشن کمیشن ءِ فراوان کننگک تو غٹ بنجائی وزارت و منسلک محکمہ غاتا کنڈآن شفاف وڑاٹ اظہار نا پیش رفت نا چاروکی ءِ کیک ۔ انفارمیشن کمیشن نا سالانہ رپورٹ تیار ءِ ۔ فروری نا آخیریکو ہفتہ ٹی پارلیمنٹ اٹی پیش کننگک ۔
