اسلام آباد ۔ 13 فروری (اے پی پی) وزارت کامرس نا سیکرٹری سردار احمد نواز سکھیرا پارینے کہ پاکستان اٹی ترک صدر رجب طیب اردوان ءِ بے کچ مہرو مریبت و شرف نا نظر اٹ ہُننگک ، ہڑتوم آ ملک آتا نیام اٹ کاروبار ءِ ودفنگ نا بھلو وارخواہی اس ارے ۔ داخیال آتا درشانی ءِ او پنچ شنبے نادے آ پاکستان ترکی بی ٹو بی نیٹ ورکنگ سیشن آن تران کرسا کرے ۔ اوپارے کہ نن ترک مہمان تے اوفتا تینا ملک اٹی بخیر اٹ پانہ ۔ پاکستان اٹی ترک صدر طیب اردوان ءِ بے کچ مہر و مریبت و شرف نا نظر اٹ ہُننگک ۔ اوپارے کہ ہڑتوم آ ملک آتا نیام اٹ کاروبار ءِ ودفنگ نا بھلو وارخواہی اس ارے ۔ دا سیشن نا مسخت ہڑتوم آ ملک آتا کاروباری تپہ غاتا نیام اٹ تعلقداری تے ودفنگ نا ءِ ۔ داکان بیدس پاکستان و ترکی نا کاروباری تپہ غاتا نیام اٹ بی ٹی بی نیٹ ورکنگ سیشن اٹی وزیراعظم نا سلاہکار واپار عبدالرزاق داءود بشخ ہلک ۔ عبدالرزاق داءود پاکستان و ترکی نا کاروباری تپہ غاتون ملا ۔ اوہر میز آ ہنا کاروباری تپہ غاتون پاکستان اٹی کاروبار نا وارخواہی تیا گپ و تران کرے ۔
