کوءٹہ ۔ 12 فروری (اے پی پی) گورنر بلوچستان امان اللہ خان یاسین زئی پارینے کہ ننا راج اٹی فکری انتشار و بیدادی نا رجحان پٹ وپولی و تخلیقی سرجزآتیان مری نا سوب آن ءِ گرج داہیت انا ءِ کہ جمہوری رویہ ۔ اختلاف رائے نا شرف و امن و آشتی نا چاگڑدءِ برجاتخنگے تانکہ راج اٹی پین سوگوی و تین پہ تینی پت ودی مننگ کے ۔ گورنر یاسین زئی پارے کہ جان جوڑ چاگڑد ءِ مون آ دننگ کن الس ءِ علم و دانش نا خڑک اتوئی مریک دارداٹ السی لیبریری تا گچین ءُ کڑد اس مریک ۔ داہیت ءِ او چارشنبے نادے آ گورنر ہاءوس کوءٹہ ٹی صوبائی سلاہکار عبدالخالق ہزارہ و باسک صوبائی اسمبلی قادر علی نائل تون گپ وتران کرسا کرے ۔ داوخت آ گورنر بلوچستان پارے کہ اینو نن ہراترند گامی و شون ہلوک دور آن گدرینگ انگ اُن علم و دانش نا اہمیت پین ودانے ۔ اوپارے ہ ناخوانندہ ئی بھاز بھلو المیہ سے ملک و صوبہ ٹی علمی ، پٹ وپولی و دودوربیدگی سرجزآتے پک کننگ اٹ علم و ادبی ہند آتا کمتی بھاز بھلو اڑاند اسے م، اسہ سوج اسے نا ورندی ٹی گورنر بلوچستان پارے کہ صوبہ نا غٹ ضلع خاص وڑاٹ صوبائی دارالحکومت اٹی چندی السی لیبریری تا دمدستی وڑاٹ جوڑ کننگ سخت المی ءِ ۔ گورنر پیدوار کرینے کہ تعلیم نئے بیرہ ہروڑنا شونداری نا بنداو ءِ بلکن اسہ احساس زمواری اسے نا ہم پن ءِ ۔ گورنر راج انا غٹ روشنا فکرآتیا زور شاغا کہ او مون آ بریر و راج اٹی اخوت ، بردباری ، اختلاف رائے نا شرف و جمہوری رویہ غاتا مون آ دننگ کن تیناپبی کڑد ءِ ادا کیر ۔
