اسلام آباد ۔ 12 فروری (اے پی پی) مزن وزیر عمران خان مرچی چار شمبے ءَ ایگناءٹ ءِ چیر دستی ءَ نیشنل انکیوبیشن سنٹر سٹارٹ اپس ءِ بنگیجی مراگش ءَ ھاسیں مہمان ءِ بستار ءَ بھر زوری کت ۔ حکومت ءِ جوانیں گامگیج ءُُ انٹرپرینیورشپ ءِ وسیلگ ءَ معاشی دیمروئی ءِ در جنگ ءِ واستہ ڈیجیٹیلائزیشن ءِ دیمروئی ءُُ ملک ءَ نالج بیسڈ اکانومی ءِ تہ ءَ مٹ بوھگ ءِ واستہ سسا ءَ را گواچن ءِ تہ ءَ آرگ بوھگ ءَ انت ۔ معاشی دیمروئی، مزدگری ءِ پجاری، مالی برجائی، مالیاتی بھر ءُُ بانگ ءِ تہ ءَ کمی ءُُ نالج اکانومی ءِ برجائی ءِ واستہ وزارت انفارمیشن ٹیکنالوجی ءُُ ٹیلی کیونیکیشن ءِ چیر دستی ءَ ایگناءٹ ءَ بنجاھی دارالحکومت ءُُ توا میں صوبائی دارلحکومت آنی تہ ءَ نیشنل انکیوبیشن سنٹر ءِ نیٹ ورک جوڑ کنگ ءِ پروگرام بنگیج کتگ ۔ اے پروگرام ءِ بنیاتی مول ءُُ مراد بلدکار آناں انٹرپرینیورز ءِ آسراتی پجارینگ انت ءُُ ایشرا جوانیں کاروبار ءِ واستہ سسا ءَ را گواچن ءِ تہ ءَ آرگ ءِ ھاترا توا میں ضلوری کمک پجارینگ انت ۔ وزارت انفارمیشن ٹیکنالوجی ءُُ ٹیلی کمیونیکیشن ءَ سرج میں ملک ءَ 10جوانیں سٹارٹ اپس آناں بنگیج کتگ ایشانی تہءَ پاکستانی ٹیکنالوجی ءِ وسیلگ ءَ انٹرپرینیورز ءِ ازمکاری ءِ جیڈھ آناں گیوار کنگ بیت ۔ حکومت ءِ چیر دستی ءَ نیشنل انکیوبیشن سنٹرز ءِ کامیاتی ءُُ آسر آناں سہرا کنگ بیت ۔
