اسلام آباد ۔ 12 فروری(اے پی پی) پاک بحریہ نا جنگی تیاری و ڈٹ بندی نا عملی جانچ اکن مشق سی سپارک 2020ء بناکرے ، مشق سی سپارک 2020ٹی پاک بحریہ میرات آتیان بیدس پاک فوج و پاک فضائیہ ناکارندہ و میرات آک ہم شریک ءُ ۔ ترجمان پاک بحریہ نا رداٹ مشق سی سپارک 2020ء نا بنائی دود کراچی ٹی اڈ ہلک ۔ امیر البحر ایڈمرل ظفر محمود عباسی بنائی دود انا مہمان خاص ئس ۔ دود اٹی مشق انا مسخت و حکمت عملی آ حوال تننگا و فورس کمانڈر آک تینا لاءحہ عمل ءِ پیش کریر ۔ داکان بیدس مشق اٹی وزارت دفاع، داخلہ و ایلو بنجائی وزارت آتا نمائندہ غاک ہم شریک ءُ ۔ مشق سی سپارک 2020ء ڈیہہ ٹی پائیدار سوگوی و رکھ میری ٹائم چاگڑد نا مون آ دننگ کن پاک بحریہ نا عزم انا درشانی ءِ ۔
