اسلام آباد ۔ 12 فروری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پاکستان نا الس نا دتر ءِ پوشسا نیزگارآتا پیسہ غاتیا ولوک آک اینو حکومت اٹ کفیل پٹنگ ءُ، مافیا تا سرغنہ لندن اٹی ءِ، خواجہ آصف صاحب ءِ بایدے مرے کہ ہمینگیا رابطہ کے، پارلیمنٹ ہاءوس آن پیشن اپوزیشن جماعت آتا برانز اوفتا سیاسی محرومی تا ماتم آن بیدس ہچ اس اف ۔ چارشنبے نادے آ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ اپوزیشن جماعت آک الس کن آخا تینا سیاسی فائدہ غاتے کن برانز کننگ ءُ، اوفتے الس نا ہمدردی اف بلکن تینا کرپشن و اقتدار نا دڑد مننگ ءِ ۔ برانز کروک آک الس نا ہمو ڈوہدار ک ءُ ہرافک داقوم ءِ غریبی، وام و کبینی تا مین اٹ دھکہ تسر ۔ ڈاکٹر فردوس عاشق اعوان پارے کہ داہمو خلقت نا نمائندہ غاک ءُ ہرافک پاکستان نا بالی پٹ اسکان جہانی ادارہ غاتے ٹی گہیو تخار، دا ہمو خلقت نا برانز ئس ہرا الس نا خڑچہ غا داسہ ہم مزہ کننگ ءُ، اقتدار اٹ مرسا اوفک قوم آن اوفتا زند و آخبت ءِ پلار ۔ اوپاکستان پیپلزپارٹی نا چیئرمین بلاول بھٹو زرداری ءِ مخاطب کرسا پارے کہ دا نا دور انا کرپشن ءِ ، ہرانا بھرم ءِ قوم کُننگ ءِ ، باوہ و تاتہ ءِ پائے کہ قوم انا پلوک آ پیسہ غاتے پدی ایتر، کبینی چٹک ۔
