قومی اسمبلی نادیوان، اسپیکر اسد قیصر نا چندی وزارت و ڈویژن آتا آفیسر آتا ساڑی مفننگ نا نوٹس، وزیراعظم ءِ چھٹی اس نوشتہ کننگ نا پارت

اسلام آباد ۔ 12 فروری (اے پی پی) اسپیکر قومی اسمبلی اسد قیصر دیوان اٹی چندی وزارت و ڈویژن آتا آفیسر آتا ساڑی مفننگ نا سخت نوٹس ءِ ہلسا پارت کرینے کہ ہراہرا ادارہ غاتا تعلقدار آفیسر آک ساڑی افس دابارواٹی وزیراعظم ءِ چھٹی اس نوشتہ کننگے ۔ چارشنبے نادے آ قومی اسمبلی نا دیوان نا بناءِ کننگ آ اسپیکر اسد قیصر قومی اسمبلی سیکرٹریٹ ءِ پارت کرے کہ سرکاری آفیسر آتا گیلری تیٹی چیک کننگے کہ ہرا ہرا آفیسر آک ساڑی ءُ و ہرا عہدہ نا آفیسر ءُ ۔ اگہ کس اس ساڑی اف تو وزیراعظم آفس ءِ نوشتہ کننگے ۔ زرہ سے آن پد اسپیکر ءِ اسمبلی سیکرٹریٹ نا کنڈآن سرجم آتے تننگا ہراڑآ اسپیکر پارت کرے کہ اسمبلی نا دیوان اٹی جوائنٹ سیکرٹری نا عہدہ نا ہرا آفیسر آک گیلری ٹی ساڑی افس اوفتا پیدواری ءِ کرسا وزیراعظم ءِ چھٹی اس نوشتہ کننگے ۔