اسلام آباد ۔ 11 فروری (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ حکومت کاروبار ءِ واستہ جوانیں جاور آنی پجاری ءِ واستہ توا میں آسراتی پجارین ایت ۔ حکومت برآمدی چیز آنی مھک میں اقتصادی گروتھ ءِ سر ءَ یکیم دار ایت ۔ آئی ءَ اے گپ سئے شمبے ءِ روچ ءَ ادا امریکن بزنس کونسل ءِ ڈل ءَ گوں تران کنان کت ۔ ڈاکٹر عبدالحفیظ شیخ ءَ ڈل ءَ را کاروباری ءُُ سرمایہ کاری ءِ دیمروئی ءِ واستہ حکومت ءِ نیمگ ءَ چست کتگیں گامگیج آنی ھوالگ ءَ سرپد کت ءُُ گوشت کہ کاروبار ءِ دیمروئی ءُُ جوانیں جاور آناں دل یکیمی ءِ واستہ حکومت توا میں آسراتی پجارین ایت ۔ آئیءَ گوشت کہ میاں اوستمانی بنک ءَ ھوار میاں اوستمانی مالیاتی ادارگ آں پاکستان ءِ اقتصادی برجائی ءِ واستہ پد ءُُ رند بوھوکیں پالیشی آناں ساڑاتگ ۔ ڈل ءَ کاروباری ءُُ سرمایہ کاری ءِ دیمروئی ءِ واستہ حکومتی گامگیج آناں ساڑات ءُُ اے رد ءَ ٹیکس ، آئی ٹی چیز آنی بھا ءُُ سیم ، درآمدی سامان آنی سر ءَ ٹیرف ءَ را دل یکیمی کنگ، پورٹ اینڈ شپنگ ءُُ ایندگر شوبگ آنی ھوالگ ءَ شور ءُُ سلاھ ءُُ سپارش ھم دات ۔
