اسلام آباد ۔ 11 فروری (اے پی پی) بنجاھی وزیر برائے بنجاھی وانگ ءُُ زانگ ءُُ کزبی ھیل کاری شفقت محمود ءَ امیت سہرا کت کہ نوکیں راجی ھمگونگیں وانگی سلیبس ملک ءَ اولی رنگ ءَ انگلش میڈیم سلیبس ءَ چہ گہتر سہرا بیت ۔ آ سئے شمبے ءِ روچ ءَ چار روچی راجی کانفرنس برائے ھمکچیں راجی وانگ ءُ زانگی سلیبس (اولی تبک ءَ بگر تاں پنچمی تبک ءَ ) بنگیجی مراگش ءَ گوں گشتانک دیان ءَ کت ایشی ءِ تہ ءَ سلوگن ’’یک راج یک سلیبس ‘‘ ایر کنگ بوتگ ۔ بنجاھی وزیر ءَ گوشت کہ مزن وزیر عمران خان ءَ اے گپ ءَ زانت کہ ملک ءَ استیں جتا جتائیں وانگ ءُُ زانگی سلیبس چاگرد ءَ را بھر ءُُ بانگ کنگ ءَ انت ءُُ اے چاگردے وت مہ وت ٹکر کنگ یک ٹوھیں سبب ءِ جوڑ بوھگ ءَ انت ۔ بنجاھی وزیر شفقت محمود ءَ گوشت کہ نوکیں وانگ ءُُ زانگی سلیبس اپریل 2021ءَ تاں پد ءُُ رند بندات کنگ بیت ۔
