وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا تنازعات و میڈیا نا کڑد انا سرحال آ جہانی کانفرنس آن تران

اسلام آباد۔ 11 فروری (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ پاکستان تینا راج اٹی انتہاپسندی و خار انا چٹفنگ کن قابل تقلید گام گیج کرے، گڑاس زموار تینا مسخت آتا دوئی کننگ کن ڈیجیٹل میڈیا ءِ غلط کاریم اٹ اتنگ ءُ، ننے سوشل میڈیا غا خار، انتہاپسندی و دہشت گردی نا تالانی ءِ توروئی مریک۔ داخیال آتا درشانی ءِ او سے شنبے نادے آ تنازعات و میڈیا نا کڑد انا سرحال آ جہانی کانفرنس آن تران کرسا کرے۔ خصوصی کمکار پارے کہ کانفرنس نا مسخت راج اٹی بین المذاہب ہم آہنگی و مفاہمت ءِ مون آ دننگ نا ءِ۔ پاکستان تینا راج اٹی انتہاپسندی و خار انا چٹفنگ کن قابل تقلید گام گیج کرے۔ گڑاس تینا مسخت آتا دوئی کننگ کن ڈیجیٹل میڈیا ءِ غلط کاریم اٹ اتنگ ءُ۔ اوپارے کہ ننے سوشل میڈیا غا خار، انتہاپسندی و دہشت گردی نا تالانی ءِ توروئی مریک۔ اوپارے کہ پاکستان امن پسند ءُ ملک اسے ہرادہشت گردی نا برخلاف سرسہب جنگ کرے۔ پاکستان علاقائی و جہانی کہول آ امن نا داعی مسنے۔ فردوس عاشق اعوان پارے کہ نن مذہب، نسل یا رنگ انا بنداو آ شاری تا حق اٹ پرخ آ باور کپنہ۔ پاکستان دہشت گردآتا سجفوک نیٹ ورک ءِ چٹفے۔ اوپارے کہ دنیا پاکستان ءِ امن و ہم آہنگی ءِ مون آ ددروک آ ملک تکک۔