اسلام آباد۔ 11 فروری (اے پی پی) چین پاکستان اقتصادی راہداری ڈٹ(سی پیک) نا رداٹ تدوک آ شش سال اٹی 11ڈٹ آتے پورو کننگانے وخت اس کہ ایلو 11پوروی ٹی ءُ، داکان بیدس چندی ڈٹ آتیا سجفنگ انگ ءِ۔ سی پیک اتھارٹی نا کمامدارآتارداٹ سی پیک نا چنکو وخت اسے ٹی بھلو کچ اسے ٹی ڈٹ آتے پورو کننگانے۔ ہرافتے ٹی بجلی گھر، بنداوی پنجر نا شونداری، گوادربندرگاہ نا جدت و صنعتی شونداری اوار ءِ۔ پاکستان اٹی تدوک آ پنچ سال اٹی بنداوی پنجر و توانائی ناویل آتا ایسر کننگ تون صنعتی شونداری نا بنداو ءِ تخنگا۔ بروک آ مرحلہ ٹی پاکستان اٹی پین صنعتی شونداری آ سجفنگ انگ ءِ۔ مچ آ پاکستان اٹی خصوصی اقتصادی زون جوڑ کننگ کن 9 علاقہ غاتا پیدواری ءِ کننگانے۔ رشکئی، فیصل آباداٹی علامہ اقبال انڈسٹریل زون، قائد اعظم صنعتی پارک و دھابیجی اقتصادی زون آتے اولیت کننگ انگ ءِ۔
