اسلام آباد۔ 11 فروری (اے پی پی) اینخو مالی سال اٹی ساڑی حکومت راجی رکھ انا پروگرام آ خصوصی چکار کننگ ءِ، دا بابت حکومت احساس و سرسہب ورناپروگرام کون آ بھلا پروگرام تا بناءِ کرینے۔ وزارت ڈٹ بندی نا کمامدارآتارداٹ حکومت بھاز نیزگار، چوری، جنوزان، بے اُرا، معذور و بے روزگار بندغ آتے ریلیف فراوان کیک۔ بنجائی حکومت 10 لکھ حقدار بندغ آتے جان جوڑ خور فراوان کننگ کن اسہ پوسکن ءُ راشن کارڈ اسکیم اس درستی راستی کرفنگ ءِ۔ داکان بیدس لمہ و خدی آ چناتے خصوصی جان جوڑ خور مہیا کننگک۔ احساس پروگرام نا رداٹ 80,000حقدار خلقت ءِ ہر تُو آ بے سود وام تننگک۔ 60 لکھ زالبول ءِ اوفتا تینا سیونگ اکاؤنٹ اٹی وظیفہ غاتا فراوانی و موبائل فون اسکان رسینگ تننگک و 500 کفالت ہند آتا کمک اٹ زالبول و چناتے فری آن لائن کورس انا آسراتی ہم دوبریک۔
