اسلام آباد ۔ 10 فروری (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ سسا کتگیں منصوبگ آنی چیر دستی ءَ یک گچین بوتگیں حکومت ءَ را دور دیگ ءِ پندل ساچوکیں مردم راستی ءَ کانود ءِ منگ ءَ چہ باگی بوتگ انت، سروکی ءِ واستہ جمہوریت ءِ نھردگ جنوک، سیاسی کشاں چیل ءَ را لس مردم ءِ زنچک ءَ تاں سر کنوکیں ٹولیگ 2023ءَ تاں وتی باریگ ءِ وداریگ آں ، 2023ءِ آیوکیں الیکشن ءَ الس ایشانی سیاسی ءُُ مئے ازمت ءَ را چارگ ءَ پد پیسلہ کناں ، مزن وزیر عمران خان ءَ الس ءَ گوں کتگیں سوگند پیلو کتگ انت، الس ءَ را ریلیف دیگ ءُُ گران بھائی ءَ را کنٹرول کنگ ءِ واستہ مرچی سئے شمبے ءَ کابینہ ءِ دیوان ءَ ارزشتی ایں پیسلہ کنگ بوتگ، مزن وزیر عمران خان ءَ ائیل سٹیٹ، ہاءوسنگ ءُُ کنسٹرکشن ءِ شوبگ ءِ ازمت آنی رد ءَ کنسٹرکشن ڈویلپمنٹ بورڈ ءِ برجائی ءِ منظوری داتگ، وھد ءِ ادارگ مھکم ، کانود مستر بیت گڈا مردم ءُُ ادارگ برجم بوت کن انت ۔ رئیل اسٹیٹ شوبگ ءَ را تاوان ءَ چہ کشگ ءُُ اوست ءُُ امیت ایگ کنگ ءَ انت، حکومت اے شوبگ ءِ سروکی ءَ کنان ءَ ایشرا گیش ھاٹیگ دنت ۔ آ دوشمبے ءِ روچ ءَ پراپرٹی ڈیلرز ایسوسی ایشن ءِ نوک گچین بوتگیں کارندہ آنی سوگندی مراگش ءَ گوں گشتانک دیان ءَ کت ۔ ھاسیں کمکار ڈاکٹر فردوس عاشق اعوان ءَ نوک گچین بوتگیں کارندہ ءُُ سرج میں ملک ءَ چہ آیوکیں رئیل اسٹیٹ سیکٹر ءِ نماھندگ آناں مبارک بات پیش کنان ءَ گوشت کہ پاکستان ءِ معیشت ءِ چکر ءَ را چلائینگ ءِ واستہ اے مردم الس ءَ را گس دیگ ءِ واستہ وتی وتی بھر ءَ مان کنگ ءَ انت ۔
