اسلام آباد۔ 10 فروری (اے پی پی)کابینہ ءِ اقتصادی رابطہ کمیٹی ءَ شکر ءِ برآمد کنگ ءِ سر ءَ پابندی جتگ۔ اے گامگیج ءِ مول ءُُ مراد شکر ءِ نیاد آناں گر ءُُ دار کنگ انت۔ اقتصادی رابطہ کمیٹی ءِ دیوان دو شمبے ءَ مزن وزیر ءِ مشیر برائے ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءَ را گوشگ بوت کہ ملک ءَ جوانیں کساس ءَ شکر ءِ امبار است انت۔ دیوان ءَ وزارت ءِ صنعت ءُُ پیداوار ءَ را شکر ءِ نیاد ءُُ استی ءِ سر ءَ نگاہ ایر کنگ ءِ پنت ءُُ شون کنگ بوت۔ وزارت ءَ را پنت ءُُ شون کنگ بوت کہ مبار آں چیر دیوک ءُُ سیت کمائینوک آنی واستہ شکر ءِ درآمد ءِ کنگ ءِ رنگ ءَ اقتصادی رابطہ کمیٹی ءَ گوں نزیکی کنگ بوت کنت۔
