اسلام آباد۔ 10 فروری (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ ذوالفقار بخاری ءِ ھمبراھی ءَ چین ءَ پاکستانی نودربر آں گوں ویڈیو لنک ءَ تران کت ءُُ آواناں دل یکیمی دات کہ شمے تکلیف ءِ مارا سما انت، مئے مرچی ھم چین ءِ سفیر ءِ گوما صوبہ دوہان ءَ نندوکیں نودبر آنی توامیں جیڈھ آنی گیواری ءِ ھوالگ ءَ تران بوتگ، مزن وزیر عمران خان ءِ پنت ءُُ شون ءِ پد ءَ شمے چار ءُُ گدار ءُُ آسانی پیداک کنگ ءِ واستہ ھمک رنگ ءِ گامگیج کنگ ءَ آں، حکومت پاکستان، مئے سفارتخانہ ءُُ چین ءِ حکومت شمارا ایوک ءَ یل نہ کنت۔ ڈاکٹر ظفر مرزا ءَ گوشت کہ مارا وتی مردم آنی پگر انت ءُُ من زاتی رنگ ءَ گوستگیں باز روچاں چہ شری ءَ نہ وپتگ آں، ھمک تک ءَ را جھلانکی ءَ گوں چارگ ءَ آں۔ آئی ءَ گوشت کہ مزن وزیر عمران خان ءِ نیمگ ءَ شمے چار ءُُ گدار ءِ واستہ ھاسیں پنت ءُُ شون است۔ شمے واستہ آسانی پیداک کنگ ءَ ھمک رنگیں گامگیج کنگ ءَ آں۔
