کراچی ۔ 9 فروری (اے پی پی) بنجاھی وزیر برائے منصوبگ بندی، دیمروئی گہتریں کار اسد عمر ءَ گوشت کہ الس ءِ گہبود ءِ واستہ سیاسی ھلاپ کنگ ءَ چہ برز تر سسا کنگ ءَ توا میں اسٹیک ہولڈر آنی گوما ھمگامی ءَ کار کنگ ءَ تیار آں ۔ اے گپ آئی ءَ یک شمبے ءِ روچ ءَ شہید ملک صدیق اعوان ویلفیئر ٹرسٹ ہسپتال ءِ بنگیجی مراگش ءَ گوں گشتانک دیان ءَ کت ۔ اے موہ ء، سر ءَ بنجاھی وزیر اسد عمر ءَ سر وزیر سندھ سید مراد علی شاہ ءِ گوما بوتگیں گند ءُُ نند ءِ ھوالگ ءَ دیان ءَ کت آئی ءَ گوشت کہ سر وزیر ءَ گوشتگ کہ ما درستانی گوما کمک کنگ ءَ تیار ا اں الس ءِ گہبود ءُُ دیمروئی ءِ منصوبگ ءَ ما سیاست کنگ نہ لوٹاں ۔ آئی ءَ گوشت کہ آپ ءِ منصوبگ سرج میں کراچی ءِ واستہ ارزشتی ایں جیڈھ ات اے جیڈھ ءِ چیر دستی ءَ کساس 26کروڑ گیلن آپ کروچی ءَ را رسیت ۔ آئی ءَ گوشت کہ ’’ کے فور ‘‘ منصوبگ ءِ انجینئرنگ ڈیزائن رپورٹ سرجم کنگ بوتگ ءُُ حکومت ءِ سندھ ءَ را روان دیگ بوتگ ۔ آئی ءَ گوشت کہ رپورٹ حکومت ءِ سندھ کابینہ ءِ چار ءُُ بچار ءِ اند ر ءَ انت انچو کہ حکومت منظور ءِ کنگ اے منصوبگ ءِ سر ءَ کار بندات بیت ۔ ایشی ءَ چہ پیسر بنجاھی وزیر اسد عمر ءَ باسک راجی اسمبلی شکور احمد شاد ءِ ھمبراھی ءَ پیت مگراز ءِ سر ءَ کپ کت شہید ملک صدیق اعوان ویلفئیر ٹرسٹ ہسپتال ءِ بندات کنگ بوت ۔
