اسلام آباد۔ 10 فروری (اے پی پی) وزیراعظم عمران خان پارینے کہ نیزگار الس نا تکلیف آتیا حکومت چپ سلپک ہپک، الس خاص وڑاٹ نیزگار و تنخواہ دار تپہ ءِ ریلیف فراوان کننگ کن حکومت ہر حد اسکان کاہک، (اینو) سے شنبے نادے آ کابینہ دیوان اٹی بھلا فیصلہ غاتا پڑو ءِ کننگک۔ دوشنبے نادے آ وزیراعظم نا میڈیا آفس آن جاری بیان نار داٹ داخیال آتا درشانیءِ او الس خاص وڑاٹ نیزگار و تنخواہ دار تپہ ءِ کبینی آن ریلیف فراوان کننگ نا بابت دیوان نا کماشی ءِ کرسا کرے۔ دیوان اٹی خصوصی کمکار راجی رکھ ڈاکٹر ثانیہ نشتر، چیئرمین یوٹیلیٹی اسٹورز کارپوریشن ذوالفقار علی خان، وزارت خزانہ، صنعت و پیدوار و راجی رکھ ڈویژن نا بنجائی سیکرٹریز، ایم ڈی یوٹیلیٹی اسٹور و ایلو سینئر آفیسر آک ساڑی ئسر۔ دیوان اٹی نیزگار و تنخواہ دار تپہ ءِ کبینی آن ریلیف فراوان کننگ و ضرورت نا گڑاتا اڑزان نرخ آتیا فراوانی نا بابت گام گیج آتیا سجفنگا۔ لس بندغ ءِ ریلیف فراوان کننگ نا بابت وزیراعظم نا کنڈآن ہلوک آ فیصلہ غاتا پڑوءِ (اینو) کابینہ نا دیوان اٹی کننگک۔ وزیراعظم دیوان آن تران کرسا پارے کہ ننا اولیت الس خاص وڑاٹ نیزگار و تنخواہ دار تپہ ءِ ہرافتے ریلیف فراوان کننگ کن حکومت ہر حد اسکان کاہک۔ اوپارے کہ نیزگار الس نا تکلیف آتیا حکومت چپ سلپک ہپک۔
