اسلام آباد۔ 10 فروری (اے پی پی) امیر البحر ایڈمرل ظفر محمود عباسی پارینے کہ پاک بحریہ کرکی علاقہ غاتا الس نا زند انا آب ءِ گچین کننگ کن ہروڑکوشست کیک۔ او دوشنبے نادے آ پاک بحریہ نا چیف پیٹی آفیسرز، سیلرز و سویلینز آتے کن اورماڑہ ٹی چیف آف دی نیول اسٹاف اوپن فورم آن تران کریکہ۔ ترجمان پاک بحریہ نا رداٹ اوپن فورم اٹی اورماڑہ ٹی پاک بحریہ نا فلاحی گام گیج و برجا ڈٹ آتا بابت ساڑی مروک آتے حوال تننگا۔ داوخت آ اورماڑہ نا الس نا شونداری کن پاک بحریہ نا کنڈآن بناکروک ڈٹ آتا جاچ ءِ ہم پیش کننگا۔ امیر البحر چیف پیٹی آفیسرز، سیلرز و سویلینز آتا کنڈآن ہریفوک آسوج آتا جوانی اٹ ورندی ءِ تس۔ اوپن فورم پاک بحریہ ٹی آخبتی بنداو تیا اڈ ہلوک آ سرگرمی ءِ، ہراٹی چیف پیٹی آفیسرز، سیلرز و سویلینز چندی باندات آتیا تینا نقطہ نظر ءِ پیش کیرہ۔
