سی پیک ڈٹ انا ارٹ میکو مرحلہ غان کشت وکشار و صنعت نا بشخ اٹی پوسکن آ روزگار نا بھلو وارخواہی اس ودی مریک، سی پیک اتھارٹی نا چیئرمین لیفٹیننٹ جنرل (ر) عاصم سلیم باجوہ نا ”اے پی پی“ تون گپ و تران

اسلام آباد۔ 10 فروری (اے پی پی) سی پیک اتھارٹی نا چیئرمین لیفٹیننٹ جنرل (ر) عاصم سلیم باجوہ پارینے کہ چین پاکستان اقتصادی راہداری (سی پیک) ڈٹ انا ارٹ میکو مرحلہ غان کشت وکشار و صنعت نا بشخ اٹی پوسکن آ روزگار نا بھلو وارخواہی اس ودی مریک۔ دوشنبے نادے آ ”اے پی پی“ تون گپ و تران کرسا اوپارے کہ سی پیک نا اولیکو مرحلہ نا رداٹ تعمیر و شونداری نا بابت پروجیکٹ آتے بے کچ خوش آئند گوندسا پارے کہ سی پیک نا ارٹ میکو مرحلہ ٹی کشت وکشار و صنعت نا بشخ اٹی پوسکن آ روزگار نا بھلو وارخواہی اس ودی مریک۔ اوپارے کہ سی پیک نا اسٹیک ہولڈرز و غٹ اڑاند آتے خاطر اٹ اتسا بیدس تعمیر و شونداری نا پروجیکٹ آتا جوانی اٹ پوروی کن پرعزم ءِ۔ یات سلے کہ چیئرمین سی پیک اتھارٹی وزیراعظم عمران خان ءِ سی پیک ڈٹ انا رداٹ زیر تکمیل جوڑ و شونداری نا پروجیکٹ آتا پیش رفت نا بابت حوال تسوسس۔