لاہور ۔ 9 فروری(اے پی پی )گور نر پنجاب چوہدری محمدسرور ءَ گوں صوبائی وزیر قانون راجہ محمد بشارت ءَ ھوار 3صوبائی وزرا آں گوں گند ءُُ نند کت ۔ گورنر پنجاپ چوہدری محمد سرور ءَ گوشت کہ الس آناں اپوزیشن ءِ سر ءَ ءُُ اپوزیشن گل آناں یک ءِ دومیگ ءِ گوما بیسہ نیست، الس زانت انت کہ اپوزیشن ایوک ءَ وتی بچارینگ ءِ جنگ ءَ مڈگ ءَ انت، ساپ ءُُ سلہ ایں کیاسگری ءَ را یک منٹے ءِ واستہ دارگ ھم ملکی سیت ءِ واستہ شر نہ انت، گراب بھائی وڑیں جیڈھ ءَ را ھلاس کنگ ءِ واستہ یک شلیں رنگ پالیشی تیار کنگ بوھگ ءَ انت، بنجاھی ءُُ پنجاپ حکومت ءِ السی گہبود ءِ واستہ جوانیں رنگ ءَ گامگیج کنگ ءَ انت ۔ سرج میں ھال آنی رد ءَ گورنر گس لاہور ءَ گور نر پنجاب چوہدری محمدسرور ءَ گوں صوبائی وزیر کانود راجہ محمد بشارت، صوبائی وزےر لیبر عنصر مجید خان نیازی ءُُ صوبائی وزےر لیب ءُُ گوازی ءُُ ورنا ءُُ سیل ءُُ سواد تیمور خان بھٹی ءَ گوں گند ءُُ نند ءِ ساھت ءَ پنجاپ ءِ سیاسی جاو رھال ءُُ حکومتی کار آں ھوار ایندگر ایشوز آنی بابت ءَ گپ ءُُ تران کنگ بوت ۔ اے موہ ءِ سر ءَ تران کنا ن ءَ گورنر پنجاپ چوہدری سرور ءَ گوشت کہ اپوزین حکومت ءِ ھلاپ ءَ ھمینچوک پندل جوڑ بکن انت آ کامیات نہ بنت مرچی الس زانت کہ اپوزین ایوک ءَ وتی بچارینگ ءِ واستہ جنگ ءَ مڈگ ءَ انت گوں چیا کہ الس ءِ جیڈھ آں گوں اچ ھساب ءُُ کتاب نیست ۔
