لاہور۔ 10 فروری (اے پی پی) ریلوے انتظامیہ سیکورٹی نا بست و بند آتے پک کننگ کن الس ءِ آگاہ کرینو کہ ریلوے ٹی سفر کننگ کن سیٹ/برتھ انا آن لائن بکنگ کن قومی شناختی کارڈ ءِ تین تون اتنگ المی ءِ، اگہ مسافر اسے تون قومی شناختی کارڈ مف تو او تینا ڈروائیونگ لیسن، ڈیپارٹمنٹل کارڈ، سٹوڈنٹ کارڈ یاپین پبی درستی راستی شاہدی اس اتنگ المی ءِ۔ آن لائن بکنگ کن غٹ ڈویژنل کمرشل آفیسر ان و اسٹیشن تیا ہراڑے مینوئل بکنگ و ایڈوانس بکنگ مریک ہموڑے ہم دا پارت آتیا عمل کرفر۔ داکان بیدس ایس ٹیز و کنڈکٹر گارڈز آتے ہم پارت کننگانے کہ ای ایف ٹی ٹکٹ جوڑ کننگ نا وخت آ ہم مسافر نا شناختی کارڈ ءِ ریزرویشن چارٹ آ درج کیر۔ داغٹ پارت آتے ریزرویشن آفس آتا پیشن خلنگے۔
