APP02-10 RAWALPINDI: February 10 - Pakistan's spinner Yasir Shah celebrates with captain Azhar Ali after taking last wicket of Bangladesh's Abu Jayed during the fourth day of the first cricket Test match between Pakistan and Bangladesh at the Rawalpindi Cricket Stadium. APP photo by Abid Zia

راولپنڈی۔ 10 فروری (اے پی پی) پاکستان اولیکو کرکٹ ٹیسٹ میچ اٹی بنگلہ دیش ءِ اننگز و 44 رنز اٹ شکست ترسا اِرا میچ آتاسیریز اٹی 1-0 نا برتری دوئی کرے۔ ٹیسٹ انا چارمیکو دے بنگلہ دیشی ٹیم تینا ارٹ میکو اننگز اٹی 168 رنز جوڑ کرسا آؤٹ مس، نسیم شاہ و یاسر شاہ چار، چار گوازی گر آؤٹ کریر، نسیم شاہ ءِ میچ انا گچین پلیئر گوندنگا۔ دوشنبے نادے آ راولپنڈی کرکٹ سٹیڈیم اٹی ٹیسٹ انا چارمیکو دے بنگلہ دیش تینا ارٹ میکو بے پورو اننگز 126رنز 6 گوازی گر آؤٹ آ دُوارہ بناءِ کرے تو کیپٹن مومن الحق 37 و لٹن داس صفر آ گوازی کریکہ، مومن الحق تدوک آ دے انا سکور اٹی بیرہ 4 رنز انا ودکی کننگ آن پد شاہین شاہ آفریدی نا گیند آ ایل بی ڈبلیو مس، 156نا جم سکور آ بنگلہ دیش نا ہشت می وکٹ تما ہراتم روبیل حسین 5رنز جوڑ کرسا محمد عباس نا گیند آ ایل بی ڈبلیو مس۔ لٹن داس ءِ 29 نا جم سکور آ یاسر شاہ ایل بی ڈبلیو کرے۔ ابوجائید بنگلہ دیش نا دہ می و آخیری آؤٹ مروک آ گوازی گر ئس ہرا 3 رنز جوڑکرسا یاسر شاہ نا گیند آ اسد شفیق نا دوتے اٹ کیچ آؤٹ مس، ہنداوڑ بنگلہ دیش نا مچ آ ٹیم تینا ارٹ میکو اننگزاٹی 168 رنز کرسا آؤٹ مس، و اودے اننگز و 44رنز اٹ شکست تون مون تروئی تما۔ ورنا فاسٹ باؤلر نسیم شاہ شاندار باؤلنگ نا درشانی ءِ کرے و کیریئر نا اولیکو ہیٹ ٹرک کرسا 4 گوازی گر ءِ آؤٹ کرے۔ یاسر شاہ چار وخت اس کہ شاہین شاہ آفریدی و محمد عباس اسہ، اسہ وکٹ ہلکر۔ نسیم شاہ ءِ میچ انا گچین پلیئر گوندنگا۔ یات سلے کہ بنگلہ دیشی ٹیم تینا اولیکو اننگز اٹی 233 رنز جوڑ کرسا آؤٹ مسوسس ہرانا ورندی ٹی پاکستان 445رنز جوڑ کریسس۔