بیجنگ۔ 10 فروری (اے پی پی) چین نا صوبہ ہوبے نا شار ووہان اٹی کرونا وائرس آن پین 97 بندغ نا زوال کننگ آن پد زوال کروک آبندغ آتا جم کچ 908مسنے۔ چین نا ذرائع ابلاغ نا رداٹ چین اٹی تدوک آ بیست ءُ چار گھنٹہ ٹی کرونا وائرس آپین 97 بندغ تینا جان تیان دوتے سلانواوکان پد زوال کروک آتا کچ 908 اسکان سرمسنے وخت اس کہ 3036پوسکن ءُ کیس مون آ بسنے۔ چین اٹی کرونا وائرس آن زہمی بندغ آتا کچ 40 ہزار 171آن گدرینگانے۔ چینی کمامدارآتارداٹ 1لکھ 87 ہزار 518 بندغ ءِ طبی نگہداشت اٹ تخنگانے۔ ایلو کنڈقمری سال انا چھٹی تیا ہنوک چینی بندغ آک ہم تینا کاریم تیا پدی بننگ نا بناءِ کرینو۔ یات سلے کہ کرونا27 ملک آتے پلویڑ اٹ ہلکونے وخت اس کہ جاپان اٹ شیف مروک آ بحری جہاز اٹی کرونا وائرس آن زہمی بندغ آتا کچ 70 مسنے۔ جہانی ادارہ جان جوڑی وائرس نا پٹ وپول کن چاہندار آتا ٹیم اس بیجنگ آ گدریفینے۔
