اسلام آباد۔ 8 فروری (اے پی پی) مزن وزیر ءِ ھاسیں کمکار برائے سی ڈی اے علی نواز اعوان ءَ گوشت کہ میئر اسلام آباد شہر ءِ جیڈھ آنی گیواری ءَ سرجمیں رنگ ءَ ناکام بوتگ، 2ارب ءِ فنڈ میئر ءِ کراّ انت ایشاناں ھرچ کنگ نہ بوھگ ءَ انت، میئر 5روچ ءَ اسلام آباد وھدیکہ 6ماہ ءَ ڈن ملک ءَ نند ایت، نواز شریف ءِ درستاں چہ مستریں ردئی میئر ءِ پوسٹنگ کنگ انت، الس ءَ چہ لٹ اتگیں زرّ آنی سر ءَ زرتگیں گس آناں مز ن وزیر عمران خان پناہ گاہ آنی تہ ءَ مٹ کنگ ءَ انت۔ اسحاق ڈار ءِ گس پناہگاہ جوڑ کنگ بوتگ۔ یک شمبے ءَ ویسٹ واٹر ٹریٹمنٹ پلانٹ ءِ بن ھشتی سنگ ءِ ایر کنگی مراگش ءَ گوں گشتانک کنان ءَ آئی ءَ گوشت کہ ویسٹ واٹر ٹریٹمنٹ پلانٹ اسلام آباد سید پور ءَ جنگ بیت۔ اے موہ ءِ سلر ءَ مراگش ءَ گوں گشتانک دیان آئی ءَ گوشت کہ ویسٹ واٹر ٹریٹمنٹ پلانٹ ءَ چہ ھرابیں آپ ءَ شر کنگ ءُُ لائک ءِ کارمرد کنگ بیت۔ ایشی ءَ چہ اسلام آباد ءِ ایٹماسپئر ءَ گہتر بیت۔
