اسلام آباد ۔ 7 فروری (اے پی پی) مزن وزیر عمران خان ءَ گوشت کہ انفارمیشن ٹیکنالوجی ءِ دیمروئی حکومت ءِ اولی دیمروئی کار انت، ورنا آناں آئی ٹی ءِ تہ ءَ بے کساس ازمکار است ، آئی ٹی سیکٹر ءِ دیمروئی ءَ چہ لکھانی ورنا آناں نوکری ءِ موہ رسیت ، آئی ٹی سیکٹر ءِ دیمروئی ءِ واستہ سرج میں روڈ میپ یک ھپگتے ءِ تہ ءَ جوڑ کنگ بیت ۔ اے ھیالانی درشانی آئی ءَ آدینگ ءِ روچ ءَ وتی سروکی ءَ انفارمیشن ٹیکنالوجی ءِ دیمروئی ءِ ھوالگ ءَ دیوان ءَ گوں تران کنان ءَ کت ۔ دیوان ءَ مشیر تجارت عبدالرزاق داوَد ، ھاسیں کمکار برائے اھوالکاری ڈاکٹر فردوس عاشق اعوان، شریکداریں چیئرمین پرائم منسٹر ٹاسک فورس برائے آئی ٹی اینڈ ٹیلی کام ڈاکٹر عطا الرحمن، انفارمیشن ٹیکنالوجی، کامرس، کابینہ ءُُ فنانس ڈویڑن ءِ سیکرٹری ءُُ ایندگر اپسرگ شریک اتنت ۔ مزن وزیر ءِ سیکرٹری انفارمیشن ٹیکنالوجی شعیب صدیقی ءَ انفارمیشن ٹیکنالوجی ءِ دیمروئی ھاسیں رنگ ءَ آئی ٹی سیکٹر ءَ بلدکاریں ورنا آناں آسراتی دیگ ءُُ فری لانسرز آناں موہ دیگ ، ملک ءَ آٗی ٹیسیکٹر ءِ برآمدی چیز آناں گیش کنگ، آئی ٹی سیکٹر ءَ چہ ٹیکس ءِ آسراتی، ورنا آناں آسانی ءَ گوں وام ءِ پجاری،فری لانسرز آنی واستہ ڈن ملک ءَ چہ زرّ ءِ شنگ ءُُ تالان ءِ آسراتی دیگ ، ویزہ ءُُ ایندگر جیڈھ آنی تہ ءَ دست کمکی ءِ ھوالگ ءَ سرج میں بریفنگ دات ۔
