اسلام آباد ۔ 07فروری (اے پی پی ) بنجاہی حکومت اسلام آبادءَ آپءِ کمی ء ُ میئرءِ نیمگءَ چہ اے نیمگءَ دلگوشی نہ کنگءِ جیڑہ تہی کا رانی کمیٹی ءِ ہوالگ کنگ بوتگ ۔ جمعہءِ روچءَ راجی اسمبلی ءَ تحریک انصاف ءِ باسک علی نواز اعوان ءَ گشتگ کہ اسلام آبادءِ بازیں سیکٹرآں آپءِ سک تنگی انت ۔ جی ٹین ءَ گوستگیں روچءَ یک مردمے بیران بوتگ بلے اینچوآپ ہم نہ بوتگ کہ میت ءَ را غسل دیءگ بہ بیت ، مُردگءَ را ’منرل واٹر‘ ءَ چہ غسل دیءگ بوتگ ۔ غازی بروتھا ءَ چہ اسلام آباد ءَ را آپ دیءگ ءِ منصوبہ سرءَ چارء ُبچار کنگ بوہگءَ اِنت ۔ آئیء َ گشتگ کہ اسلام آبادءِ میئر ءِ گورءَ دو ارب کلدارءِ فنڈ اَست بلے آ حرچ نہ کنت ۔ اسلام آبادءِ میئردہ روچ لندن، دہ روچ اسلام آباد ء ُ دہ روچ عمرہ ءَ گوازینیت ۔ اے جیڑہ کمیٹی ءَ را دیم دیءگ بہ بیت کہ ایشیءِ سرءَ اسپیکرءَ اے جیڑہ کمیٹی ءَ را دیم داتگ ۔
