اسلام آباد ۔ 7 فروری (اے پی پی) صدر مملکت ڈاکٹر عارف علوی ءَ یک سالے ءَ 35کتاب ونتگ، آئی ءَ گوشت کہ کتاب دوستی ءِ شوک پیداک کنگ ءِ کوشست کنگ ءِ رد ءَ سال 2019ءِ ساھت ءَ ونتگیں کتاب آنی لڑ ءَ را شنگ ءُُ تالان کتگ ۔ آدینگ ءِ روچ ءَ ایوان ءِ صدر ءَ چہ جاڑی بوتگیں صدر ءِ مملکت ءِ دوستیگیں کتاب آنی لڑ ءُُ اے ھوالگ ءَ صدر ء، مملکت ڈاکٹر عارف علوی ءَ ویڈیو کلوہ ھم جاڑی کنگ بیت ایشی ءِ تہ ءَ آئی ءَ 2019ءَ وتی ونتگیں کتاب آنی ھوالگ ءَ تران کت ۔ صدر ءِ مملکت ءِ دوستگیں کتاب آنی لڑے سربرتری کتاب شاہ بلیغ الدین احمد ءِ کتاب ’’تجلی‘‘ انت ایش حدیث شریف ءُُ اسلامی راجدپتری واکیہ ھوالگ ءَ انت ۔ ایشی ءَ ابید آشوب ءِ ھوالگ ءَ کلاز شباب ءِ ’’فورتھ انڈسٹریل ریوولوشن‘‘، وت ھیل کاری بلدکاری ءِ پڑ ءَ سروکی ءِ جنگ ءِ ھوالگ ءَ کوفولی ءِ ’’سپرپاور آف یو ایس اینڈ چائنہ‘‘، جان سلامتی ءِ ھوالگ ءَ ٹیکنالوجی ءِ نیام ءَ سیادی دارگ ءِ بن گپ ءِ سر ءَ ایریک ٹپول ءِ ’’ڈیپ میڈیسن‘‘، کتاب آں ھوار دگہ بازیں جوانیں جوانیں کتاب اتنت ۔
