اسلام آباد ۔ 6 فروری(اے پی پی) ترجمان درئی کارانی کارگس عائشہ فاروقی ءَ گوشت کہ اسلامی کمکی گل (او آئی سی) مُدام کشمیر کاز ءِ مھک میں ھمبراھ داریں دوست ءِ بوتگ ءُُ کشمیر ءَ بنی آدمی ھک آنی لگت مالی ءُُ کشمیر ءِ جیڈھ ءَ را ایمنیں رنگ ءَ گیواری ءِ ھوالگ ءَ جتا جتائیں منوگری منظور کتگ ۔ امریکہ ءُُ طالبان ءِ نیام ءَ سول ءُُ تران آنی تہ ءَ دیمروئی ءِ نزیکی ءَ گوں چار ءُُ تپاسی گرگ ءَ آں ، طالبان ءِ نیمگ ءَ سول ءُُ تران آنی سر ءَ ھک ءُُ دلی ءِ درشان ءُُ کشاں چیل آنی تہ ءَ کمی بوھگ جوانیں دیمروئی ات ۔ پنچ شمبے ءَ ھمک ھپتگی بریفنگ ءِ ساھت ءَ ترجمان ءَ گوشت کہ او آئی سی کشمیر کاز ءَ مھک میں ھمبراھ دار ءِ بوتگ ءُُ مقبوضہ کشمیر ءَ بنی آدمی ھک آنی لگت مالی، یو این سلامتی کونسل ءِ منوگری آنی رد ءَ کشمیر ءِ جیڈھ ءِ ایمنی ءَ گوں گیوری ءَ ھوار کشمیر جیڈھ ءِ بابت ءَ بازیں منوگری آنی سر ءَ منگ نامہ آنی منظوری کتگ ۔ ایشی ءَ چہ ابید گوستگیں سال ستمبر ءَ یو این جنرل اسمبلی دیوان ءِ موہ ءَ او آئی سی رابطہ گروپ ءِ وزارتی تک ءِ دیوان برجم دارگ بوت ءُُ یک رپورٹ ءِ جاڑی کنگ بوت ایشی ءِ تہءَ مقبوضہ کشمیر ءَ بنی آدمی ھک آنی ھلاپ کنگ ءِ کار ءَ را مذمت کنگ بوت ۔ امریکہ طالبان سول ءُُ تران آنی ھوالگ ءَ ترجمان ءَ گوشت کہ امریکہ ءُُ طالبان ءِ نیام ءَ ایمنیں سول ءُُ تران آنی تہءَ دیمروئی آنی سرءَ نزیکیں رنگ ءَ چار ءُُ تپاسی گرگ ءَ آں ۔ ترک صدر ءِ پاکستان ءِ تر ءُُ تاب ءِ ھوالگ ءَ ترجمان ءَ گوشت کہ ترک صدر شیڈول ءِ رد ءَ آیوکیں ھپتگ ءَ پاکستان ءَ کئیت ۔ پاکستانءُُ ترکی ءِ نیام ءَ جوانیں ءُُ مھک میں یکوئی برجا انت ءُُ ھمک مشکلیں وھد ءَ یک ءِ دومیگ ءِ گوما ھمکوپگ اوشتاتگ آں ۔ کرونا وائرس ءِ ھوالگ ءَ ترجمان ءَ گوشت کہ انوگ ءَ تاں چین ءَ چار پاکستانی اے وائرس ءَ چہ آماچ بوتگ انت ءُُ آوانی جان سلامتی ترندی ءَ گوں گہتر بوھگ ءَ انت ۔ چین ءِ حکومت باز جوانیں رنگ ءَ وتی ملک ءَ توا میں در ملکی آناں ھمک رنگیں کمک پجارینگءَ انت ۔
