اسلام آباد ۔ 6 فروری (اے پی پی) سی پیک اتھارٹی ءِ چیئرمین لیفٹیننٹ جنرل(ر) عاصم سلیم باجوہ ءَ گوشت کہ سی پیک ءِ چیر دستی ءَ 8جاڑیگیں منصوبگ آنی تہ ءَ 4ہزار 470میگاواٹ توان پیداک بیت، اے منصوبگ آنی تہ ءَ کساس 9;46;5ارب ڈالر ءِ سرمایہ کاری اوست کنگ بوھگ ءَ انت ۔ وتی یک ٹویٹے ءِ تہ ءَ آئی ءَ گوشت کہ پاکستان سی پیک ءِ دومی بھر ءَ پیداک بوھوکیں روزگار ءِ موہ ءَ چہ سیت مند بیت ۔ آئیءَ گوشت کہ سی پیک ءِ چیر دستی ءَ 8پراجیکٹس آنی سر ءَ کار جاڑی انت ایشانی تہءَ 4,470میگاواٹ توان پیداک ءُُ 9;46;5ارب ڈالر ءِ سرمایہ کاری بیت ۔ آئی ءَ گوشت کہ سی پیک ءِ چیر دستی ءَ ھاٹیگ ءِ 9منصوبگ سرجم کنگ بوتگ انت ایشانی تہ ءَ 5ہزار 320میگاواٹ توان راجی گرڈ ءَ ھوار کنگ بوتگ ءُُ ایشانی ھواریں رنگ ءَ 7;46;9ارب ڈالر ءِ سرمایہ کاری بوتگ ۔ آئی ءَ گوشت کہ اے منصوبگ آنی کساس 5ہزار ءَ چہ گیش پاکستانی آناں روزگار ءِ موہ رسیت، جاڑیگیں منصوبگ آں چہ کساس 15ہزار 227نوکیں روزگار ءِ موہ رسیت ۔
