میر پور ۔ 06 فروری (اے پی پی) بنجائی وزیر امور کشمیر علی امین گنڈاپور پارینے کہ پاکستانی قوم کشمیری تتون ئسر، اریر و ہمیشہ مریرہ، ہمودے مر اف ہراتم کشمیر نا آجوئی نادے پاش کیک، بھارتی آرمی چیف ءِ پاننگ خوانہ کہ او ننے جلہو نا دھڑکو تف، نن ہم اگہ کشتی تے ہشن تو نئی دہلی ٹی پاکستان نا بیرک ءِ چست کینہ ۔ اوداخیال آتا درشانی ءِ پنچ شنبے نا دے آ داڑے یکجہتی کشمیر ریلی آن تران کرساکرے ۔ اوپارے کہ مقبوضہ کشمیر و مچ آ دنیا نا خلقت ءِ دا کلہو ءِ ایتنہ کہ نن کشمیری تتون ئسن و اوفتے تون ارین، وزیراعظم نا منت وار اُن کہ او کشمیری تا سفیر مرسا کشمیر نا ویل ءِ مچ آ دنیا ٹی تالان کرینے، پاکستان نا الس کشمیری تتون تفرہ، بھارتی وزیراعظم مودی ءِ ہم کلہو ایتنہ کہ جوزہ و تلوار نا جنگ اٹ کٹنگ جوزہ نا مریک، کودک کشمیریک 9 نہہ لکھ بھارتی فوج انا مقابلہ ءِ کرسا دانا شاہدی ءِ تننگ ءُ کہ ہمودے مر اف ہراتم کشمیر نا آجوئی نا دے دے ٹک ایتک ۔ اوپارے کہ بھارتی آرمی چیف ءِ ہم پاننگ خوانہ کہ او ننے جلہو نا دھڑکو تف ، نن ہم اگہ کشتی تے ہشن تو نئی دہلی ٹی پاکستان نا بیرک ءِ چست کینہ ۔
