اسلام آباد ۔ 06 فروری (اے پی پی) وزیر خارجہ شاہ محمود قریشی پارینے کہ جہانی کہول آ پاکستان نا حقی دروشم ءِ روشناس کرفنگ اٹ فنون لطیفہ و دودوربیدگ ءِ کاریم اٹ اتنگ المی ءِ، نن السی و دودوربیدگی سفارتکاری آ باور کینہ ۔ دا ہیت ءِ او فنون لطیفہ نا غٹ پہلو تے تالان کروک آ اہل فن، سازوزیمل، فلم ، ٹیلی ویژن تون وابستہ شخصیت آتون گپ و تران کرسا پارے ہرافک پنچ شنبے نادے آ اوڑتون اوڑدہی کریر ۔ وزیر خارجہ پارے کہ جہانی کہول آ پاکستان نا مثبت و حقی دروشم ءِ گچین وڑاٹ تالان کننگ کن فنون لطیفہ و دودوربیدہ میرات آتا پہلو آ خصوصی چکار کرینے ۔ دا مسخت نا دوئی کننگ کن فنون لطیفہ ، دودوربیدگ و میرات تون وابستہ برادری تون رابطہ غاتے مون آ دننگ نا چرجوئی ءِ بناکننگا ۔ شاہ محمود قریشی پارے کہ نن سازوزیمل ، فنون لطیفہ، فن و دودوربیدہ و میرات نا چندی جہت آتے دودوربیدگی سفارتکاری نا حکمت عملی ٹی سمونے نا عمل نا بناءِ کرینے ۔ وزیر خارجہ پارے کہ نن السی و دودوربیدگی سفارتکاری آ باور کینہ، جہانی کہول آ پاکستان نا گچین و حقی دروشم ءِ روشنا س کرفنگ اٹ فنون لطیفہ و دودوربیدگ ءِ کاریم اٹ اتنگ المی ءِ ۔ وزیر خارجہ شاہ محمود قریشی پارے کہ دودوربیدگی سرجزآتیا عمل بروک آ چین تا بابت سوچ و پاکستان نا تشخص نا بابت بے کچ اہم ءِ ۔
