میرپور ۔ 06 فروری (اے پی پی) مسکوہی وزیراعظم آزاد جموں و کشمیر و پاکستان تحریک انصاف آزاد جموں و کشمیر نا صدر بیرسٹر سلطان محمود چوہدری پارینے کہ پاکستان و آزاد کشمیر نا غٹ سیاسی جماعت آک و مکاتب فکر آک سیاسی و نظریاتی اختلاف آتے گیرام کرسا مظلوم کشمیری الس تون یکجہتی نا درشانی ءِ کرینو، وزیراعظم عمران خان نا کوشست آتیان اسہ وار ولدا جہانی حیثیت اس اختیار کرینے ، ہمو وخت مر اف ہراتم کشمیر آجو مریک ۔ داخیال آتا درشانیءِ او پنچ شنبے نادے آ داڑے یکجہتی کشمیر ریلی آن تران کرسا کرے ۔ اوپارے کہ پاکستانی و کشمیری الس یوم یکجہتی کشمیر ءِ پورو جوش و جوزہ اٹ اڈ تسر ۔ وزیراعظم عمران خان کشمیری تا حقی سفیر ءِ و اودا ثابت کرسا نشان تسنے ۔ اوپارے کہ ہراتم کہ کشمیر نا ہیت مریک مچ آ قوم عمران خان نا کماشی ٹی اوڑتون سلوک نظربریک ۔ اوپارے کہ 72سال آن بھارتی ظلم وجور اتون مون تروک مظلوم کشمیری الس ءِ سلام پیش کینہ ۔ اوپارے کہ میر پور اٹی بالی پٹ اسے نا گرج ءِ و داجاگہ نا ہرا علاقہ غاک گیس آن محروم ءُ اوفتے گیس انا آسراتی بایدے ملے ۔ اوپارے کہ منگلا ڈیم اکن میر پور نا خلقت بھلو قربانی اس تسنو اوفتا ویل آتے ایسر کننگے ۔
