وزیراعظم عمران خان کشمیر نا ویل ءِ جہانی کہول آ پبی وڑاٹ تالان کرینے، بھارتی عزم ءِ بے سہب کننگ کن ننے تینا صف آتے ٹی سیوت ودی کروئی مریک، راجا فاروق حیدر خان

میرپور ۔ 06فروری (اے پی پی) وزیراعظم آزاد جموں و کشمیر راجا فاروق حیدر خان پارینے کہ وزیراعظم عمران خان کشمیر نا ویل ءِ جہانی کہول آ پبی وڑاٹ تالان کرینے ، بھارتی عزمءِ بے سہب کننگ کن ننے تینا صف آتے ٹی سیوت ودی کروئی مریک، اوداخیال آتا درشانی ءِ پنچ شنبے نادے آ داڑے یکجہتی کشمیر ریلی آن تران کرسا کرے ۔ اوپارے کہ میر پور نا خلقت پاکستان کن بھاز قربانی تسنو و داڑے ہرا شونداری نظر بننگءِ او میر پور نا خلقت نا خواری تا بھرم ءِ ، داٹی ہچ ءُ حکومت اسے نا کمک اوار اف ۔ اوپارے کہ بھارت پاکستان نا برخلاف ہراعزم ءِ تخک اودے بے سہب کننگ کن المی ءِ کہ ریاست جموں و کشمیر نا اسہ ہی بیانیہ اس مرے ، دشمن خواہک کہ نن بشخنگن ولے نن اونا ناپاک عزم ءِ پورو مننگ کن الیپنہ، 5 اگست نا بھارت نا غیر کانودی گام گیج آن پد وزیراعظم اقوام متحدہ نا جنرل اسمبلی و ایلو فورم تیا تران اٹی کشمیر نا ویل ءِ ہراوڑ اٹ تالان کرینے ہرانا سوب آن 72سال آن پد کشمیر نا ویل دُوارہ اول سرآن دنیا ٹی بحال مسنے ۔ اوپارے کہ مظفر آباد اٹی 5 فروری آ ہرا فیصلہ مسنے و 8 فروری آ وزیر خارجہ تون کشمیری سرکڑدہ غاتا ہرا اوڑدہی ءِ داڑان کشمیر نا ویل ءِ پبی وڑاٹ تالان کننگ اٹ کمک رسینگک ۔ اوپارے کہ پاکستان ءِ مون تروک مشکل آتیان پد ہم ہراوڑاٹ پاکستانی الس و حکومت کشمیری تتون سلوک ءُ ۔ اوپارے کہ منگلا ڈیم توسیعی ڈٹ انا زہمی تا ویل آتے دمدستی وڑاٹ ایسر کننگ نا گرج ءِ ہرا علاقہ غاک گیس آن محروم ءُ اوفتے ہم بایدے گیس ملے ۔