وزیراعظم عمران خان نا آزاد جموں و کشمیر کانود ساز اسمبلی نا دیوان آن تران مظفر آباد۔ 05 فروری (اے پی پی) وزیراعظم عمران خان پارینے کہ کرپشن نا کمک اٹ ملک انا پیسہ غاتے پلسا پیشن دروک آتون مفاہمت مننگ کپک، جمہوریت اخس کہ خراب حالت اٹ مرے ولداہم او غٹ آن گچین نظام ءِ، بدعنوان تا برخلاف کنا دا جنگ ذاتی اف بلکن پاکستان کن ءِ، کرپشن نا سوب آن دنیا ٹی پبی وسیلہ تخنگ آن پد ہم بھاز انگا ملک آک پدی سلیسر وخت اس کہ شفافیت نا بنداو آ دنیا شون ہلک۔ وزیراعظم عمران خان چارشنبے نادے آ آزاد جموں و کشمیر کانود ساز اسمبلی نا دیوان آن تران کرسا پارے کہ ای اسہ ڈیموکریٹ اسے اُٹ و ای اقتدار کن ڈیموکریٹ اس آخا دنیا نا تاریخ دا ثابت کرینے کہ جمہوریت اخس کہ خراب حالت اٹ مرے ولدا ہم او غٹ آن گچین نظام ءِ، علامہ اقبال و شاہ ولی اللہ ئسک پاریرہ کہ دیکی ٹی جمہوریت بس و او شونہال مس وخت اس کہ مسلمان تیٹی بادشاہت نا سوب آن دا پسماندہ سلیسر۔ اوپارے کہ ہراملک ملک آتے ٹی گچین جہوریت ءِ ہموڑے شونہالی زیات ءِ و نیزگاری کم ءِ، دنیا نا نظام نا جاچ ءِ ہلین تو ہرا ملک آتے ٹی جمہوریت ءِ او مون آ ہنار و ہرا ملک آتے ٹی بادشاہت ئس، میرٹ، مفاہمت و ڈسکشن الوکہ او پدی سلیسر۔ اوپارے کہ داتسکان ای نم تون سلوک اُٹ۔ وزیراعظم پارے کہ دنیا نا غٹ آن شونہال ملک آتے ہرن و ایلو کنڈ نیزگار انگا ملک آتا جاچ ءِ ہلین تو دا شونہالی داخاطرآن اف کہ اللہ اوفتے زیات وسیلہ تسونے یا نیزگار ملک آتون وسیلہ اف، اخس کہ شونہال ملک آک اریر اوڑے شفافیت ءِ ، بدعنوانی اف وخت اس کہ نیزگار ملک آتون غٹ آن زیات وسیلہ ارے ولے کرپشن نا سوب آن او نیزگار ءُ۔ وزیراعظم پارے کہ اگہ کس اس کنا اُراٹی دُزی کیک و کرپشن کیک تو انت ای اوڑتون مفاہمت کیو۔ وزیراعظم داوخت آوزیراعظم آزاد کشمیر ءِ پارے کہ نی ہم گڑاس شعر خوانانس وخت اس کہ ای اہم اسہ شعر اس خوانیوہ کہ ”مفاہمت نہ سکھا جبر نا رواسے مجھے، میں سربکف ہوں کہ لڑادوں کسی بلا سے مجھے“۔ وزیراعظم پارے کہ بدعنوان خلقت ہر اکرپشن کرسا پیسہ غاتے پیشن دریر اوفتے تون مفاہمت نا کنے پاننگپ۔ ای ہراتم ہریوہ کہ اسہ اسہ ادارہ ٹی کرپشن نا داستان مون آ بریک، داذاتی جنگ اس اف بلکن ملک انا جنگ ءِ۔ چین انا شونداری نا پد اٹ 450 آن زیات وزیر آتے جیل تیٹی شاغنگ نا ءِ وخت اس کہ امریکہ ٹی سی سی سال آن پد کرپشن کروک آتے جیل آتے ٹی شاغنگا۔

xمظفر آباد۔ 05 فروری (اے پی پی) وزیراعظم عمران خان پارینے کہ کرپشن نا کمک اٹ ملک انا پیسہ غاتے پلسا پیشن دروک آتون مفاہمت مننگ کپک، جمہوریت اخس کہ خراب حالت اٹ مرے ولداہم او غٹ آن گچین نظام ءِ، بدعنوان تا برخلاف کنا دا جنگ ذاتی اف بلکن پاکستان کن ءِ، کرپشن نا سوب آن دنیا ٹی پبی وسیلہ تخنگ آن پد ہم بھاز انگا ملک آک پدی سلیسر وخت اس کہ شفافیت نا بنداو آ دنیا شون ہلک۔ وزیراعظم عمران خان چارشنبے نادے آ آزاد جموں و کشمیر کانود ساز اسمبلی نا دیوان آن تران کرسا پارے کہ ای اسہ ڈیموکریٹ اسے اُٹ و ای اقتدار کن ڈیموکریٹ اس آخا دنیا نا تاریخ دا ثابت کرینے کہ جمہوریت اخس کہ خراب حالت اٹ مرے ولدا ہم او غٹ آن گچین نظام ءِ، علامہ اقبال و شاہ ولی اللہ ئسک پاریرہ کہ دیکی ٹی جمہوریت بس و او شونہال مس وخت اس کہ مسلمان تیٹی بادشاہت نا سوب آن دا پسماندہ سلیسر۔ اوپارے کہ ہراملک ملک آتے ٹی گچین جہوریت ءِ ہموڑے شونہالی زیات ءِ و نیزگاری کم ءِ، دنیا نا نظام نا جاچ ءِ ہلین تو ہرا ملک آتے ٹی جمہوریت ءِ او مون آ ہنار و ہرا ملک آتے ٹی بادشاہت ئس، میرٹ، مفاہمت و ڈسکشن الوکہ او پدی سلیسر۔ اوپارے کہ داتسکان ای نم تون سلوک اُٹ۔ وزیراعظم پارے کہ دنیا نا غٹ آن شونہال ملک آتے ہرن و ایلو کنڈ نیزگار انگا ملک آتا جاچ ءِ ہلین تو دا شونہالی داخاطرآن اف کہ اللہ اوفتے زیات وسیلہ تسونے یا نیزگار ملک آتون وسیلہ اف، اخس کہ شونہال ملک آک اریر اوڑے شفافیت ءِ ، بدعنوانی اف وخت اس کہ نیزگار ملک آتون غٹ آن زیات وسیلہ ارے ولے کرپشن نا سوب آن او نیزگار ءُ۔ وزیراعظم پارے کہ اگہ کس اس کنا اُراٹی دُزی کیک و کرپشن کیک تو انت ای اوڑتون مفاہمت کیو۔ وزیراعظم داوخت آوزیراعظم آزاد کشمیر ءِ پارے کہ نی ہم گڑاس شعر خوانانس وخت اس کہ ای اہم اسہ شعر اس خوانیوہ کہ ”مفاہمت نہ سکھا جبر نا رواسے مجھے، میں سربکف ہوں کہ لڑادوں کسی بلا سے مجھے“۔ وزیراعظم پارے کہ بدعنوان خلقت ہر اکرپشن کرسا پیسہ غاتے پیشن دریر اوفتے تون مفاہمت نا کنے پاننگپ۔ ای ہراتم ہریوہ کہ اسہ اسہ ادارہ ٹی کرپشن نا داستان مون آ بریک، داذاتی جنگ اس اف بلکن ملک انا جنگ ءِ۔ چین انا شونداری نا پد اٹ 450 آن زیات وزیر آتے جیل تیٹی شاغنگ نا ءِ وخت اس کہ امریکہ ٹی سی سی سال آن پد کرپشن کروک آتے جیل آتے ٹی شاغنگا۔