اسلام آباد۔ 05فروری (اے پی پی) بنجائی وزیر امور کشمیر و گلگت بلتستان علی امین گنڈاپور پارینے کہ مچ آ دنیا ٹی رہینگوک آ پاکستانیک کشمیری تتون یکجہتی نا درشانی ءِ کیر، کشمیر یک پاکستان تون مہر و مریبت نا سزا غان گدرینگ انگ ءُ، نن پاکستانی اُن پاکستان ننا ءِ و کشمیر مریک پاکستان کشمیری تا پنی آ نعرہ ءِ، کشمیر یک تینا شہید آتے پاکستان نا بیرک اٹ پیڑسا دفن کننگ ءُ۔ یوم یکجہتی کشمیر نا بابت تینا کلہو اٹی اوپارے کہ مچ آ دنیا ٹی رہینگوک آ پاکستانیک کشمیری تے تون یکجہتی نا درشانی ءِ کیر۔ کشمیریک پاکستان تون مہر و مریبت نا سزاغان گدرینگ انگ ءُ۔ بنجائی وزیر پارے کہ نن پاکستانی اُن پاکستان ننا ءِ و کشمیر مریک پاکستان کشمیری تا پنی آ نعرہ ءِ، کشمیریک تینا شہید آتے پاکستانی بیرک اٹ دفن کننگ ءُ۔ اوپارے کہ پاکستانی تا قومی زمواری ءِ کہ کشمیری ایلم تا توار مریر، مسلم امہ ہم بھارت نا کنڈآن کشمیری تیا ظلم و جور انا مش اس پرغنگ نا نوٹس ءِ ہلے۔ بنجائی وزیر پارے کہ اقوام عالم کشمیر اٹی انسانیت نا برخلاف ڈوہ آ خاموشی ءِ ہلر۔
