وزیر ءِ توکی کار اعجاز احمد شاہ ءِ فرانس ءِ سفیر مارک برٹے ءَ گوں تران

اسلام آباد ۔ 4 فروری (اے پی پی) وزیر ءِ توکی کار اعجاز احمد شاہ ءَ گوشت کہ سیکورٹی ءُُ توکی کار آنی کار کرد آناں گیش گہتر جوڑ کنگ ءِ واستہ گامگیج کنگ بوھگ ءَ انت ۔ وزارت ءِ توکی کار ءِ نیمگ ءَ جاڑی بوتگیں بیان ءِ رد ءَ سئے شمبے ءَ وزیر ءِ توکی کار اعجاز احمد شاہ ءَ گوں فرانس ءِ سفیر مارک برٹے ءَ گند ءُُ نند کت ایشی ءِ تہ ءَ وت مہ وتی کار ءُُ سیکورٹی ءِ ھوالگ ءَ جیڈھ آنی سر ءَ چار ءُُ بچار کنگ بوت ۔ گند ءُُ نند ءِ ساھت ءَ کرونا وائرس ءُُ ایندگر جیڈھ آنی سرءَ ھم ھیال ریچی کنگ بوت ۔ فرانس ءِ سفیر ءَ یکجائی کار آنی رد ءَ جاڑیگیں ٹریننگز جاڑی دارگ ءِ جزم ءِ درشان کت ۔ وزیر ءِ توکی کار ءَ گوشت کہ وت مہ وتی کار آنی گہتری ءِ واستہ ھمک رنگ ءِ کمک کناں ، سیکورٹی ءُُ توکی کار آنی کار کرد آناں گیش گہتر کنگ ءِ واستہ کار کناں ۔ فرانسیسی سفیر ءَ اے موہ ءِ سر ءَ گوشت کہ یکجائی ٹریننگز آنی بنگیج ءِ مول ءُُ مراد جیڈھ آنی گوما دیم پہ دیمی کنگ ءِ ازمکاری ءَ را گہتر کنگ انت ۔ وزیر ءِ توکی کار ءَ اے گامگیج ءَ را وش اتک کنان ءَ وت مہ وتی کار آناں گیش مھکم جوڑ کنگ ءِ امیت سہرا کت ۔