مزن وزیر عمران خان ءِ ملائیشاء ءِ وتی ہمکار ڈاکٹر مہاتیر محمد ءِ ہمبراہی ءَ یکجاھیں پریس کانفرنس

پترا جایا۔ 4 فروری (اے پی پی)مزن وزیر عمرا ن خان ءَ گوشت کہ کوالالمپور سربراہ کانفرنسءِ آسرءَ چہ مسلم امہ ءِ بھر ءُُ بانگ ءِ باروا غلط فہمی دور بوتگ ات، آں آوکیں کوالالمپور سربراہ کانفرنس ءِ تہ بھرزوری کن انت۔اے ھیالانی درشان آہاں ادا ملائیشیا ءِ مزن وزیر ڈاکٹر مہاتیر محمد ءِ ہمبراہی ءَ پریس کانفرنس ءَ گوں تران کنان ءَ کتگ ات۔مزن وزیر ءَ ھوشت کہ نوں وھد اتکگ کہ مسلم امہ پج بوان ءَ دگنیا ءِ چیلجنز ءَ را دیما دات، ملائیشین اھوالکارءِ نیماچہ دسمبر 2019ءِ تہ کوالالمپور سربراہی کانفرنس ءِ تہ ساڑی مہ بوھگ ءِ ھوالہ چہ پرس کتگیں جست ءِ پسو ءَ مزن وزیر ءَ گوشت کہ اے باروا پیسلہ مسلم دگنیا ءَ ر ابھر ءُُ بانگ ءَ چہ رکھگ ھاترا کتگ ات۔ کوالالمپور سربراہی کانفرنس وزیراعظم ڈاکٹر مہاتیر محمد ءِ گام انت ایشی ءِ مکسد مسلم دگنیا ءَ را دیم چیلنجز ءِ حل کنگی انت۔ مزن وزیر عمران خان ءَ گوشت کہ آں کوالالمپور سربراہی کانفرنس ءِ تہ بھرزوری ءِ واھگدار انت۔ایشی ءِ تہ بھرزوری مہ کنگ ءِ سرا اپسوز انت۔آہاں گوشت کہ بدبہتی ءَ گوں مئے لہتیں دوست ہمہ کہ پاکستان ءِ نزیکیں دوست انت ایشی ءَ محسوس کنگ ات کہ اے کانفرنس چہ امہ بھرءُ بانگ بیت ءُُ اے پدر ءِ وڈ ءَ اے یک غلط فہمی ات۔یک جستے پسو ءِ تہ گوشت کہ کوالالمپور سربراہی کانفرنس ءِ تہ عدم شرکت چہ دگہ مسلمان ملک ءَ گوں سیادی ءِ سرا اثر کپ ایت، وزیراعظم ءَ گوشت کہ ایشی ءَ چہ دگہ ملکاں گوں سیادی ءِ سرا ہچ پرک مہ کپ ایت۔مزن وزیر عمران خا ن ءَ گوشت کہ مسلمان ملکانی ھاترا اے الم انت کہ آں مگرب ءُُ دگہ غیر مسلم ملکاں را اسلام ءِ باروا سرپدی ءَ دنت ءُُ اسلام ءِ راستیں کلوھ ءَ لس کن انت۔مزن وزیر ءَ گوشت کہ مسلمان ملکانی میان ءَ یکجاھیں میڈٰا ءِ ہڈ دیگ ءِ کار برجاہ انت، ایشی ءَ چہ نہ ایوکا اسلام ءِ شریں پجار دیما کائیت بلکہ اے مستریں مذہب ءِ باروا ورناہیں پدریچ ءَ را راھشونی ھم رسیت۔اے موہ ءِ سرا ملائیشیاء ءِ مزن وزیر مہاتیر محمد ءَ گوشت کہ آں مسلم امہ ءِ سرا اثر انداز بیوکیں معاملہانی سرا نزیکیں کمک ءِ ھاترا پُرجزم انت۔ مہاتیر محمدءَ گوشت کہ آہاں مزن وزیر عمران خان ءَ را کوالالمپور سربراہی کانفرنس 2019ء ِ آسرءَ چہ ھم سرپد کتگ۔